سجّل بلاغي ي الربيعة ؟ ولا تهون
إرسل لنا جيب التجاره و الاسعــاف
على العطاره يوم قامـو يبيعــون ؟
خلطات ما فيها تواريخ و غــلاف
قامو على النسوان ماغير يعطــون
كل/ن من الخلطات يعطيهم أوصاف
هذا دهون اللي ( يبي يصير مزيون )
تبييض للركبه و يـنـفـع للاطـراف
و هذي لاجل جسمك تخليه موزون
خـلطة طبيعية ( لتكـبير الارداف ) !
حتى القَمل باعوهـ في وسط كرتون
سعر (الثلاث أجواز) ياصل بالآلاف !
و الحوت في كبده فوائد و مجنون
ينفعك بالصحة ، و يعطيكم أضعـاف
مـهـما عرض له شي ، لابدّ يـشـرون
حتى ولو يعرض لهم (حزمة اعلاف) !
إشتر من المضمون يـمـكـن تصيـرون
أجمل بنات الكون ! (يا حسرت الطاف)
تـرى جـمـال الـبنـت لـو كـان تــدرون
خِلـق الحيا ، مع لبسهـا الساتر الضاف
ونِـطـق الكلام الزين و الدِين مقـرون
بـالمـطـبخ الـرآقـي لها عـدّة أصنـاف
دام الخلل في شكلها / هــذي تهــون
مـير البلا (بالطبع) ، هـذا به خــلاف
دام الزبادي صار بالوجه مدهــون !
يــ الله لطفك ! لا تعاقب بالانكــاف
و اختامها في بيت مُحكم ومــوزون
من شاعر/ن وآضح كلامه و شفاف
الـشين دامه من ( هل الدِين ) مزيون
والـزين لا خـاوى الرديين ، يـنـعاف !
.
.
عبدالعزيز بن عبداللطيف الحميدي
سجّل بلاغي يالربيعة ولا تهون
العرض العادي
