[font=Arial Narrow][size=5][B][align=center]الامير محمد الرشيد والأربعين صباح على العتبان
--------------------------------------------------------------------------------
السلام عليكم ورحمة الله وبركاته
يقولون
محمد بن هندي من شيوخ عتيبة جاء لحايل مسيِّر على الأمير محمد العبدالله وبعد السلام قال بن هندي يالأمير ابيك تقبل هدايانا .... اي بالله ونبي ان بيرقـك ما يغزي على عتيبه !!؟
الى على دخلة عياده بن منيس للمجلس بعد ان سمع السالفة ... وقال الرخصة يامَحَفُوُظ !! معي لي كليمتين ابي اقولهن تسان ترخص لي !؟
قال الأمير : انت ياعياده ما تحتاج رخصـة اللي عندك قله !؟
آااااهـ وش قلت ياعياده ؟
قلـت آه بسـم الله وابـديـت وارده
من صخر قيفان وانا من قبل هايبـه
الأمثال الى منـي تعاوجـت ركنـه
اعدِّل عِصيان المثـل عـن عتايبـه
كمى ذود مصـلاح ماشيـف رتعـه
تعقّب لـه القِعـده تَنسّـف جنايبـه
قلته بعقبان علـى الصـوب والقـدا
عقبـان هيـف ماتدانـى جوانـبـه
عقبان عقّبن العتيبـي علـى القفـا
عقّبن عقبان الحسـا عـن مراقبـه
فروخ حرار ضربهن يرعـب العـدا
فري البواتيع ضربها مـن مجاذبـه
طلـع محمـد ماحكـم نجـد مثلـه
لا بـاول الدنيـا ولا كـان غايـبـه
يقود المـلا قـود السبايـا وجـره
على دار من قاله على الربع خايبـه
قـوم يفهِّقـهـم وقــوم يلحـقـه
وقوم يقلِّط وسطهـا عـن ذوايبـه
تبيد الحذاء ياحمود من قاسي الحصى
وتمل مـن سـود الفيافـي نجايبـه
مـن كثـر مادلّـن وكلّـن ومـلّـن
وبيّحن مشكاة الدّبـر مـن غواربـه
يتلون رقبة المارعي ميتـم الضنـا
طلق اليمين اللي وسـاع مضاربـه
حـرٍ يخلـط الريـش للـدم للحـم
هـذي معثبرهـا وهـذي قاضـبـه
يمنـاك يمنـى هيلـعٍ مطلـقٍ لـه
على فرز قفرٍ لبّـدت مـن رعايبـه
دار الـفـتـى روا الــعــذارى
متلقِّـي البلـوى مهـدِّي صعايبـه
كـم قريـة هـازه ورازه وفكفكـه
شاعت وشبّينـاه والنفـس طايبـه
شبِّيناه من حصـن الشيـوخ علـوّه
زعلوّة من لا له مع الخيـل هازبـه
إهتزّت الجـدران والـدور والنخـل
وتقول تلفي من عقب مافـات تايبـه
عوق الفرج تف كفي وانا اخو نوره
الى ما وقع منهـا ولدهـا وشايبـه
اشبهك يا أمير وانا اذكر الله
داب عدى من عالي مراقيه قنيصـه
جاذب ونين الذيـل والـروح ذايبـه
بيدي عـدوك قاسـي هـم قاسـي
وبيدي ربعك كالناديه مـن رطايبـه
ياما هشنا دونـك بالبيـان والخفـا
نهوش لو عيني طخا النـوم غالبـه
يامير الأجناب لا يغديك كثر جمعهـم
.يامير لا تغديـك سكبـة شواربـه
يامير لولا السيف والحكـم كضّهـم
وذلّوا على عـالات تقفّـى محالبـه
يشوونـك بجمـرٍ مـن الغـضـى
شويّـة عجـلٍ وبالـنـار يقالـبـه
شمّر جناحٍ لـك الـى هبّـه الهـوا
الى ذعذعـت للشيـخ ذري هبايبـه
وشمّر كمـى ذيابـة فـوق ضمّـر
الى جِلْت جَلَت مع مجالـك عرايبـه
وابن هندي عندما سمع ان ابن رشيد بيغزاهم ذهب لحايل ومعه هدايا لابن رشيد
لكن ابن رشيد ردها وقاله رح لاهلك وتحرن عندهم
ولا اخلف بوعده ولحقه على طول علشان يذبحه لو يبي يذبحه ذبحه بمجلسه
لكن ابن رشيد يحترم الفارس اللي قدامه [/align][/B][/size][/font]
..
ابن برزان