اطلب اللي في يده رزق العباد

بسم الله الرحمن الرحيم
الشاعر\مشعل عسام التريباني الشمري
((اطلب اللي في يده رزق العباد))في12\1\1437هـ

اطلب اللي فـي يده رزق العباد(1)ماطلبت الرزق من حين ســواه

رافع الســــبع الطباق بلا عماد(2)سامعٍ مشـــي النمل فوق الصفاه

منجيٍ موسى وهو وسط المهاد(3)وســــط تابوتٍ والامـواج تحداه

هازم الاحزاب مهلك قــوم عاد(4)ناصرن جنده ومهلك من عصاه

القــدير اللـــي علــيه الاعــتماد(5)البصيراللي ينجّي مــــــن نصاه

عازلٍ ضي النهارعــن الســواد(6)جـــل شــــــــــانه لا اله الاّ ايّاه

مخــرجٍ ذالنون مــن بعد السهاد(7)مـــن ثلاثٍ با الظــلام ومحتواه

ظلـمتٍ فــي بطن حوته والرقاد(8)وظلمتٍ باللـيل والمـــوج وبلاه

فارجٍ للعبد عســـــراتٍ شـــــداد(9)مايخيّب واحـــدٍ يرجــي عطاه

اهدني يارب للدرب الرشــــــاد(10)يا الــهٍ مايخــيّب مــن رجــاه

 

 

 

 

 

 

 

 

 

 

والنعم با الله تعالى صدق اخ مشعل لو اقعد عشر سنيين ما نظمت بيتين من قصيدك جزلة في حمد الله تعالى ووصف عظمته تعالى في ابيات جميلة وقاف جميل متناسق الله يفرجها على كل عبد شاعرنا بالفعل ابدعت وشاعر متمكن

تقبل مروري اخوكم

ابوالغنم

 

 

 

 

 

 

 

 

 

 

وضاح الخالد
شكرالك على المرور والاطرى الله لايهينك اخوي

 

 

 

 

 

 

 

 

 

 

الف صح لسانك وعلا شانك
يا شاعرنا المميز

مشعل التريباني ..

ابداع متواصل بكل مشاركة

الف شكر لكـ

 

 

 

 

 

 

 

 

 

 

اخوي خلف راضي النماصي
صح بدنك وبيض الله وجهك شكرالك على هالكلمات الطيبه لاعدمناك