السلام عليكم ورحمه الله وبركاته
اعتذر عن الانقطاع بسبب ظروف مانعه واهدي اليكم هذه المقتطفات من تغريداتي
بتويترواتمنى ان تحوز على رضائكم ومعذره على عدم التنسيق
1-
يارب طيحات الكرام مصيبه
وانت الكريم اللي عليك التكلا
والامه اللي قدعوابه ذيبه
افعالهم يارب كله شكلا
وحال العرب ياخالقي به ريبه
مطلقه تبكي عجوز ثكلا
2-
يبوحميد اليوم شفت الغلا هج
روح ولادري وين صارت دياره
علمي بها يومنها تركب الرنج
والفورد خبط قبل اثبت مساره
3-
الطيبه اللي مالها فيني حدود
ابليس لو تساله جاوب كذيا
لاتنشد الناشد اذا كنت منشود
كل على عيبه عيونه عميا
4-
الجو بارد مانفعنا معه
شي يالله عسى برد السنه به سلامه
هذا وحنا يديننا تحتها ضي
هو كيف منهو ساكنن يم شامه؟
5-
الجو مظلم بالعيون
من قبل لايحين العسام
يعني ياقلبي لاتهون
مكتوب عيشتك بظلام
6-
ياليتني ادخل مخوخ العالم
واشوف وشو ياعرب تفكيره
اللي يفكر زين جعله سالم
واللي يخنبق عندنا تدبيره
7-
ياامه القران هيا هلمو
لنصره التوحيد واللي تبع له
الكافرين اليوم بالدين همو
كم دولت صاحت ولحدن سمع له
8-
اذا رجعت العاصمه امش بالهون
مابالتسرع بالقياده شطاره
واحذر من اللي بالاشاره
يصيدون سلامتك وقفتك عند الاشاره
9-
اليوم صرنا نبكي الامس ياعبيد
وباكر بنبكي يومنا اللي فقدناه
هيا كذا الايام تبيد ماتبيد
صيور بقعا يفجعك في سواياه
10-
ياهم وخر واقبلي يابسمه
وياشعر عبر عن عظيم سروري
دام الكريم اللي علينا فضله
رد ابتسامتنا برجعت جوري(1) #جوري_الخالدي
11-
ياليل خبرني عن الحزن ياليل
قلي متى ياليل ياتيك بكرا
كانه بعيد بنسف السرج بالخيل
واسري مع السارين من غير قمرا
12-
الوصل طيب والمعازيب قشران
حتى الوصل ماصار منا يبونه
وانا ترى انسان ساعي للاحسان
شرع الولي ماتقصر اخطاي دونه
13-
شاعر ولي عند المناعير مقدار
وهرج العدا بهل الندا مااطيعه
والا الردي ماهمني طافي النار
اسقيه من نار المعاني ضريعه
14-
مادريت القلب حبك مبتليه
لين غمضت العيون الباليه
واتخايل وقت منته كنت فيه
كيف عشته هذاهو سؤاليه
15-
ياصاحبي لاتحسب اليوم مثل امس
امسك غدى واليوم ماعاده امسى
غابت يبومناحي عن الطيب الشمس
وبانت لناس مابهم خير شمسا
16-
اليوم بعض الناس ماعاد ينشاف
من يوم واعدني ونا مارايته
ونا خبرته طيبٍ مابه خلاف
يجذب صعاليك العرب يم بيته
17-
٢/٣اشكي الى الرحمان همٍ فيني
لوكان بجبال السرات يقوده
ولوصار في تونس بتصبح جدبا
يجف ماه ويابسن وروده
18-
البارحه مانمت انا الليل مغتاض
عقلي من الهاجوس ياخوي مضغوط
وقلب العنا كنه يقرض بمقراض
اوكنني من عالي الضلع مقروط
19-
لحد" يكلمني ترى القلب مشحون
ومولدات الضغط فيها شراره
والغيم غطا جونا ياهل الكون
ورياح فكري صار فيها استداره
20-
المال لاروح لولد الكرامي
وسيله للطيب هي غايتله
وان كان روح للضعيف الذمامي
حتيش صندوقه غدى قابرله
اخوكم المقصر-سعود