اشتقت لها في يوم ورحت ازورها بمكانها = مالي زمن عنها وشفت قبور زادت باالألوف
ياالغالية عساك في خيراتها وجنانها = بجنات خلدٍ مايوفٌيها النظر وإلا الوصوفْ
ياكثر من حلو بها ياكثرهم سكانها = اركانها ضاقت بهم ياالله حلمك يا رؤوفْ
كم واحدٍ فيما مضى عايش بكل الوانها = متغطرس ويحقر عباد الله ولاكنه يشوفْ
وكم واحدٍ مهمل صلاته مايعرف اركانها = وكم واحد لفعل المحرم لاحصل له مايطوفْ
وكم واحدٍ يهين خلق الله يزيد اشجانها = ياما جَرح ناسٍ بأرداها عبارات وحروفْ
وخلافهم كم واحد محافظ ونفسه صانها = ادي حقوق الله وحق الناس باالخير امعروفْ
لو ضحكت لك دنيتك مدة وعشت آمانها = احذر ترى المخلوق في لحظة تلاقيه مخطوفْ
امك إذا حيٌة تراها دنيتك واوطانها = يومك طفل هي حضنك الدافي وفي حالك تروفْ
احكم امورك كلها وجوٌد بحزم عنانها = وابوك لاتهمل حقوقه لاتعذٌر باالظروفْ
( ابو ناصر المحرج )