جهّز اللي يفتخر فيه الوكيل=خوّوّة الشلقان تشبه خوّوّته
صدّره عبداللطيف ابن الجميل=ودولة اليابان تكفل قوّوّته
ست بعد الفين مابعده مديل=التميّز ظاهراً بفتوّوّته
يهقوي السواق لدرب الطويل =عن المواتر يختلف بمشوّوّته
يلفت الانظار وستر ياكفيل=اكفه عيون الحسود وسوّوّته
لون بديه رغوة الوضحاء الجليل=وسط روضً والسحايب روّوّته
بس خط بجانبه جداً نحيل=شبه وشم(ن)بنت شيخٍ سوّوّته
وقفته مثل الفحل بطراف حيل=الشموخ تلاحظه بقسوّوّته
ينتهض لاتل بالترس الثقيل=فارسً فز لصياح مصوّوّته
جآه ينخى يوم شيل الذود شيل=سل سيفه واعتلا علوّوّته
كن قلبه تحرقه جمرة سبيل=زاد همّه وانتخى بمروّوّته
بكفّه المذكور حداً له صليل=العلوم الغانمه مايفوّوّته
وبه هدوء مصلين في ثلث ليل=يرجي اللي جنّة عطوّوّته
التوانك فل والسايق دليل=والطوال النايفات نصوّوّته
ديرة مادار ساكنها البديل=في قلوب الغانمين حضوّوّته
الجبال بوسطها يزهاء النخيل=هي حيات الشمري ومنوّوّته
مثلها موجود لالا مستحيل=وسلم اهلها زاد زين حلوّوّته
أخوكم/مــــــــــانع الخريصي