اقول هذه القصيده وهي كرد بعد ماسمعت قصيده لاحد الشعار وهي كما يلي
يقول من لاقال يازن قوله=ياوزن المعنى على المعبار
امثال مايبحل بها اللي يفهم=مثل الجواهر ساعة المقدار
مثايل تاتي على معناها=من لطم تيار البحور اختار
اختار من عذب البيوت الجزله=ماهي سوالف مفحم بوار
ابيات لا قالوا من اللي انواها=يامير عن سالف سلفها اخبار
قاف كتبته من غرايب جاشي=ولي به بحزات اللزوم اجهار
انا على الميراد لا ابدا وارد=ولا كل ميراد مثل ماصار
سمعت قاف ناظمه ملهوفه=يهيم فيه ويجهل الاخبار
اظن من كثر المناحي صابه=حالات ماتخفى على الذكار
ياهيه ياللي فالخطا متخاطي=جنب عن اللي ماانت فيه مسار
شي تقوله وانت ماانت بحوله=لا تجعله لك مفخره واسوار
انتم فخركم يوم نوبة نوبه=والنوبة العليا بها الاحرار
لا شك لاتجعل هل الميقافي=يشنون وانتم تشهد الابيار
وترى العلوم اللي على مبداها=كل بها يدري ولا يحتار
وان كان بدع الشعر يحسب قاصر=الشعر مايرفع هل الاذمار
انته تعرفهم بليا تزاعم=واقصوص ماضين العرب تندار
كم لابة من كل قوم ولابه=لهم بميقاف الفعول ادوار
واما اللذي يزعم وصفر فعله=هذاك مايشكل على الاحرار
الناس تعرفنا وتدري عنا=يوم السيوف اللي لهن محدار
حنا اليا من القبايل قالت=عن علمنا يدري بعيد الدار
وحنا هل اليمة وحنا مقرها=مبطي لنا بالطايلة مبدار
واليا شنانا ابن لاجي هافي=عليه مانسكت اليا من غار
ومبطي هل الافعال ترهم جالوا=يوم الملا ترحل ولهم ديار
كل يخبرونه هله واربوعه=والذمة البيضا لها منوار
من طيب ماضي فعلنا يانجاده=يوم انت في حلك عمرنا اقفار
وصلنا وجلنا يوم كل يصهل=بين القبايل والصنوف خبار
ياهيه لا تحسب هل السباره=انك تنزل قدرهم بهذار
يصعب على مثلك واللي من شكله=ياصل لشفه والنوايا جسار
واحذر تسمى بالرجال العليا=لا يشرحون وتظهر الا سرار
تر اللذي دايم على دحديره=مايزاعم الابطال والشعار
وينبيك عن كتب العرب غايبها=من شان تدري يوم كل حار
حذرا حذاري والحذر يدرابه=احذر اللي عن لظاه اجار
وحنا هل المنسب وحنا سباعه=ولا نظلم الاجواد بالاذكار
لنا بماضي فعلنا ماكفانا=ان قيل وين اهل ابشع المدار
ياحي ربعي كل مااقبل سربه=حطوا على تالي سلفها امصار
ماهم بمثل اللي يشن علومه=سوا سوا محدود والا نكار
ماكل شف راعيه ولابه=الحق بين كان فيهم زار
واحدودنا يشهد بعد طاريها=يامكرهين العلم يالبوار
والله لولا قولة ياجماعه=ماعاد ننصت للذي يجتار
هذا وانا ماني بصاحب ذمه=للناس والعالم قدام اعمار
من ذم ذم وخاب حتى ساسه=وعليه فرحوا بالخطا الغرار
(( من اواخر قصايدي ))
العرض العادي
