حي البيوت الي تزايد حماسه
من شاعرً يبدع اليازان جوه
فكري عسير القاف طير النعاسه
وهجسي اتعدله الدروبً تطوه
عندي على بعض المواقف فراسه
والبال روق وأبتدى الشعر توه
لوهني من هو تهنى ابناسه
ماقول غير ابهالزمن وهنوه
راحت السنين الفرفشه والوناسه
وشاخو قليلين الشيم والمروه
وشربت من علقم زماني ابكاسه
لين المحاني بالبلاوي تروه
يالواتس راس وصل الرد راسه
فايز عسى مايطفي الوقت ضوه
للخيل فرسان تدك ابفراسه
ولسيف رهبه وسط يمنى سموه
قال الذي ياقال من قو باسه
جزل المعاني لاكتبها تقوه
اخذ عيون الشعر واترك طفاسه
وربعي وربعك ماتهنى عدوه
ونعمً برجلً يمدح اليوم ناسه
والفين نعمً في جميع السموه
ربعي هل الوقفات والطيب ساسه
لاثارة الهيجاء يحوسون جوه
وختامها صلو على سيد ناسه
على نبيً هو ختام النبوه
ردعلى قصيده لشاعر فايز الحماد
العرض العادي
