ياغنيم نياقك بالحواري محاويم
حتى القمايم شفتها تبتلعها
اما انت سنعها على طول ياغنيم
والا على حراج بريده وبعها
ياغنيم لا تظلم كبار الخراطيم
لاصرت ماتعرف مداهل سنعها
البل عطايا الله وضح ومجاهيم
ياماحلا لاصرت فالبر معها
ترعى الخازمى وجوها كاسيه غيم
وتلقى راعيها بالفيافي تبعها
واليا امرحت وحان وقت المرازيم
وذاك الحوير تحت امه رضعها
ياماحلا لاجيت تحلب المقاديم
ومع الغبوق اتميرةٍ تقتدعها
تغنيك عن ذبيحةٍ للمعازيم
حليبها مع تمرها هو شبعها
وياغنيم نياقك بالحواري محاويم
حتى القمايم شفتها تبتلعها
نايف الشويب السليمي