[color="red"](اشوف القعود اقبل)في 8\3\1438هـ[/color]

بسم الله الرحمن الرحيم
(اشوف القعود اقبل)في 8\3\1438هـ
الشاعر\مشعل عسام التريباني الشمري
اشوف القعود اقبل وحمله مهــو مـوزون(1)يشــــــــــــيل الحــموله مـــايله مايعدلها

يجرالحموله والبلا داخل المشـــــــحـــون(2)علامه يجــــي فــي حــيّة الغار شـايلها

واشـــوف البواخر قادها واحـــدن مجنون(3)يقــود الــبواخـر وازرق الموج يحملها

واشــــوف العما يقتاد واحد بصــير عيون(4)يبلحق عيونه واســـــــود الحقد كاحلها

واشوف الثعل يفرس وشبل الاسد مسجون(5)واشـــــوف الذيابه يثقل الجوع كاهلها

دنيا تقلـــّب كل ســــــــــــاعــه تجيك بلون(6)تــزيّن لناســــــــــــن فعلها مايـوهلها

صبرك على بعض البشـــــر يرفع الغولون(7)ناســـــــن كبود اهـل المعاريف تدبلها

مانـــي علـــى فــرقا خبــيث اللغا محــزون(8)ناســـــن ســــــواد القلب يملا محاثلها

تحمّلـت عــــوج الخلـــق والناس مــايدرون(9)والعوج منهم بااجمل الصــبر اجندلها

واليوم زاد الكـيل مــن فايــض المخــزون(10)طفح كيل صبري مار خذها وزهملها

صبرت لكن فاض صبري علـــى الماعون(11)النفــس زايد نغــمة الحســـــــد مللها

بعض الاوادم هــــرجـته تظهــر المكـــنون(12)واليا تحـمّلــــته تمـادى وطـــــــوّلها

ناســــــن علــــى نفوس الاوادم تحط طعون(13)لا واللـه عطها الصاخنه لاتجاملها

امجــامل الــــرديان غــبّه مهــو مــامـون(14)عبات شــــــرن طول عمرك تجللها

خلك قـــــوي الباس لــوحمّلــوك طـــنون(15)والنفس فــــي خيمة هلا العز ظللها

 

 

 

 

 

 

 

 

 

 

الله اكبر صح لسانك يالشاعر مشعل الشمري على قصيدك الجزله اللذي فيها الكثير
من الشي الجميل (اشوف القعود اقبل وحمله ماهو موزون=يشيل الحموله مايله مايعدلها)

ويبقى المعنى جميلا وعلى طاري التشبيه ذكرتني بالبيت الاتي
(حج الجمل يااهل المثايل وحجيت=والناس راس العبد مايقطعونه)


ودائما الشعراء في الوقت الماضي لاتخلو قصايدهم من مايدور ويحصل بين
القبايل في شتى اوطانهم خصوصا بين العرب وعادات وتقاليد المسلمين في
مايميزهم عن غيرهم من اليهود رغم محاذاتهم للمسلمين منذ العصور القديمه
الى عصرنا الحالي وتقبل مروري اطال عمرك

 

 

 

 

 

 

 

 

 

 

ناجح خلف الرمالي
صح بدنك وبيض الله وجهك على المرور والاطرة