{ تجـــافيــنا }
تجافينا عقب ماطالت الغيبة وحنا أحباب
وراحت من خواطرنا سوالف حبّنا وأسّرار
غريبة هي وأنا أغرّب وغربتنا بدون أسباب
كذا صارت نهايتنا ولابه بالهوى غّدار
دروب الحب خانتنا وضاعت جملة الإعراب
وعنوان المحبة حايراً فيها، وأنا محتّار
حبيبي وينك بعمري وأنا متعذّب ومنصاب
تلاعبي ذعاذيع الشمال ولهفّة الأخبّار
أنا جيت الرسوم اللي رسمناها بكف تراب
أبي شيً يسليني وأدور لك جديد أعذار
أقول الله يفرجها على اللي ينتظر غيّـاب
أحس الهمّ في قلبه كما جمّر اللهب والنار
ترى نار المفارق تاكل أرواق الغلا بكتاب
وتخفي كل ما كنّا نقوله والغلا ينـهار
صحيح إن الجفا له سد!ولكن باقياً سرداب
بعيني ياشعاع النور مثل الفجر والأسحار
أعيشك والأمل باقي وقلبي ممتلي بعتاب
أنا اخطيت وأنت أخطيت وهذي سنة الأقدار
تجافينا عقب ماطالت الغيبة وحنا أحباب
وفينا من غــلا العشاق حـبٌ كنّه الأنهار
_________________________________
[وسلامتــكم]
.gif){kind=icon}
{ تجـــافيــنا }
رد: { تجـــافيــنا }
العرض العادي
