إرسميني في براءة طفلتيني
واستعدي في نضالك واجتهادي
&
لين كلك يالحقايق تستبيني
بالحروف وسطريها من مدادي
&
وامسحيني من زماني واكتبيني
وارسليها من ايميلك مع ودادي
&
للكنانة واسألي دمعة حزيني
قدمي كل العزاء له من بلادي
&
صبّريهم وارجعي لي صبّريني
وادفني كل الضماير في رمادي
&
والتحايا لاهل مصر الغانميني
والبسي ثوب الصراحة والعنادي
&
بعدها وان كان ودك تسأليني
اسأليني .. ما أقول الا اعتقادي
&
اسألي عن جرح شامي أوجِنِيني
واسألي طفلٍ توفى بالمهادي
&
اسألي شيخٍ كبير و حرمتيني
واسألي أمٍ بكت وابكت عنادي
&
اسأليهم كل ابوهم واخبريني
واسألي كل الضماير بالسوادي
&
والجواب ابغاه منّك باليقيني
يالكنانة وانتي بوقت الحدادي
&
والقضية ليتها من مقطعيني
الشهادة واوّل المقطع جهادي
&
طي قلبي طي طوي الخايفيني
يوم خلوا ركبهم عند الحصادي
&
غزوةٍ ماهي بدر .. ولا حنيني
فتنةٍ بنيانها صوب الهدادي
&
فالظنون تزيلها "حملة يقيني"
والخطاب يصدّقه ختم إعتمادي
&
لا تشاور للسبب يا نور عيني
لن حبك له قرارن في فؤادي
&
العلاقه دامت اغلى من ثميني
حطمت في سوقها كل اقتصادي
&
نسأل الله يحفظك في كل حيني
من عداك ويلهمك حق وسدادي