انا من الجربان طلجين الايمان= ولاهمني باللي يتجاهل مردي
العز ثوبي والكرامه لي اوطان= يابنت وحدود الولي دوم حدي
عنا انشدي شلف المنايا بالاطعان= ياما على جموع المنايا نهدي
عنا انشدي قاع الملاقا بالاكوان= نذبح ولانجلي ولايوم ندي
للربع عز وللمعادين بركان= وفريدنا عن السرايا يسدي
الطيب من دورٍ قديم لنا شان= وش ماهكيتي من الكرامات عدي
وعنا انشدي التاريخ في كل الازمان= ولو تنشدين سيوفنا لج تردي
وحنا جبل يوم الخلايق سمهدان=ويابنت ماعاش الذي صار ضدي
اهدى من اوقات السحر حين الاذان= وازكى من عطور الزهر حين تندي
واقوى من زعوج الهوا بين الاركان= واقطع من سيوفٍ صقيلات حدي
سلالةٍ ماطبنا عرج خوان= مثل الذهب مهما عتق مايصدي
ماشين في قوه وهمه وايمان= وحق ٍ لنا ماجاه يومٍ تعدي
منا الوفا سايل بالاجواف غدران= وفينا الجفا للي علينا يصدي
عفان نفس ٍ الا وعفيفين شلان= وتاريخنا مصباح نورٍ يجدي
وليا عطش جارٍ لنا الكل عطشان= نجعل له الصما تذوب وتندي
سدنا وحنا شخص واليوم عربان= وغايه لنا مادون نيله نردي
يابنت انا بالاصل من نسل عدنان= والمصطفى خير المخاليق جدي
والوشم لو ما حرمه عالي الشان= كان انقش الجربان في عرض خدي
العز مهره ولابتي فيه فرسان= وعينج على التاريخ يابنت لدي
مالوم من تسئل ولاني بزعلان=انتِ سألتِ وبالقوافي مردي
اصلي انا يابنت من الثرى بان= وبيد الولي يابنت جزري ومدي
الزين من حصل بساتين وجنان= واحسن بدنيا فانيه ماتردي
والشين من يجزا لواهيب نيران= لوهو من الناس القريبين ضدي
ولاينفع التذكير بفلان وفلان= لكن حديتي بي على القاف حدي
قصيدة الوشم للشاعر محمد مطلك الجربا
العرض العادي
