عــودنا ..
عـودنا اللي..كـد تنهّض.. وإنتهض
هون.. هون..الله يهـوّن.. هون هون..
حاول..ولكنـه على كـود..ومضض
من عـوايد سـود الليـالي..يخدعون..
هـام..لكن عاسـر إعزومـه..رفض
العزيمـة.. والعـزوم.. اللي تكـون..
ياأخو ناهـض.. إنت من مـثلك نهض
صيت ناس(ن).. غـير مثلك يعجزون..
وكان لك حظ(ن).. فـ شمّر بك أحظ
لك إفعول(ن)..كل شمـر.. يفخرون..
وفخر شمـر..إن لك جيـل(ن) حفظ
لك إعيال.. ولك أحفاد(ن).. يحفظون..
وعـودنا اللي كـد تنهّض..ماإنتهض
كد نهض جيل(ن).. وأجيال(ن) يجون..
الإهــــداء :
لوالد الجميييع..الشيخ إبراهيم بن مرعيد بن رمال.. رحمه الله.
عودنا. الشيخ ابراهيم بن مرعيد بن رمال (رحمه الله)
العرض العادي
