السلام عليكم ايها الاحبه
بتاريخ 1/3/1427هـ
اقامة ديوانية شمر امسية شعريه
واحتفال كبير بمنطقة الحوف،
وكنت من بين المدعوين، تجهزت للسفر عن طريق الجو
واللي حصل انه اتصل بي كلٍ
من سعود ابن وبران الكتفاء
وسالم ابن غزاي الغريري
وهزاع ابن جامل الغريري
وعرضوا على انني اخاويهم
عن طريق البر خصوصاً واننا كنا في اواخر الربيع
وكانت الارض خضراء
طبعاً انا كان لي الشرف بالحصول على خوتهم
بلاشك وافقة على ذلك
طبعاً مشينا على سيارة جيب لسعود الكتفاء
وعندما مشينا قالو يابو فهد
هناك موضوع نود عرضه عليك
وسيكون لك الخيار فيه فقلت تفضلوا
عساه خير انشاء الله.
فقالو ان عبد العزيز ابن ثامر الفديد برفحاء
ولما علم اننا سوف نمر برفحاء
طلب منا اننا نمره برفحاء ونتعشى عنده
وحاولنا ان نعتذر منه فعلم والده
ثامر الفديد واقسم علينا بأنه لايكمنا اذا مرينا رفحا ولا جيناه.
قلت وانتم اي الامرين احب اليكم
قالوا والله اننا مستحين نتعداهم مانمرهم خصوصاً بعد قسم ثامر
فقلت لهم: إذاً انا عندي لكم خيارين لا ثالث لهما وهما
1- انني خويكم وعزيمتكم تعتبر عزيمة لي
وانا معكم على الخير والشر
2- انكم انتم الضيوف وانا المعزب
لأني انا والفديد اقرب لبعض منكم
وفي اثناء هذا الكلام اتصل الفديد وقال
ياسعود عشاكم صار تمرون وإلا ماتمرون
رد عليه سعو عسى الله يقويه وانشاء الله نمركم الليله
كنت انا وسعود بالمرتبه الاماميه
وكان سالم وهزاع بالمرتبه الخلفيه
وعندما نقف للتزود بالوقود يتطابقون ثلاثتهم
فأللي خلفي يسكر علي الباب حتى لا انزل
والأثنين الآخرين عفيسي عند فم التانكي
من اللي يحاسب واذا خلصو من هذا
بدأ العفيسي الآخر عند البقالة
ثم اتوا بأنواع العصيرات والفواكه
وإذا مشينا بدل اللي خلفي صار خلف السواق
تحسباً للموقف القادم وهكذا هو الحال
الحاصل وصلنا رفحا ومرينا الفديد
ونعم الفديد ونعم الاستقبال ونعم الضياف ونعم الجماعه
لااعرف كيف اصف لكم ولكن استقبال حار مجلس يرفع الراس
دلالٍ صفر عودٍ ازرق صحون عليها مفاطيح ومع هذا هلا ومرحبا والساعة المباركة
تعشينا والمشكلة بعد العشاء
والله لاقينا احراجاً لايوصف من المعايا
فكانو يعيبون علينا كيف تمشون ماتمروننا
ياجماعه حنا معزومنين على حفل بكرى
وهم يحلفون وحنا نحلف وتخلصنا منهم
وكأننا نقول الحمد لله على السلامه
مشينا ووصلنا الجوف ورجعنا الى الرياض
وقلت
خبروا( عدي) وقولوا لـك حفيـد =لك احفادٍ بالكـرم تحفـظ وصايـا
لك احفاد من هل البـأس الشديـد = والتجارب خير من سـرد الحكايـا
انتوينـا والسفـر دربـه بعـيـد =من ورى الألف السفر عدة ميايـا
الخـوي سعـود ياعلـه سعـيـد = سعود ابن وبران من شيوخ الطنايا
و اخويانا كـلٍ فـي طيبـه يزيـد =سالم و هـزاع وا فيـن السجايـا
باذليـن نفوسهـم مثـل العبـيـد = يكرمون0 و قصدهم مكسب رضايا
اركبونـي بأيمـن الجيـب الجديـد = والطريق عن الخوي يعطي خفايـا
ان وقفنا يابو فهـد ويـش تريـد = وان مشينا تبدي أعلوم و روايـا
كلهم آل (غرير) مطوعـة الضديـد = حاتميٍ أصلهـم مـا هـم شوايـا
لابةٍ تاطـى علـى خشـم العنيـد = وفي نهار الكون يـردون المنايـا
والعشاء عقب المساء عند الفديـد = نوخِن بأطراف رفحاء يالمطـا يـا
وبالفديد انا الفخـر عنـدي يزيـد = يرتفع راسي ليا قيـل ( المعايـا )
حفلـةٍ مـا يوفيـه نظـم القصيـد = فطّح الخرفان من فـوق الصنايـا
حفلـةٍ ماكنـه إلا حـفـل عـيـد = الدخـون يــدور ودلالٍ مـلايـا
و العقيـد بمركبـه يأتـي عقـيـد = والسرايـا يخْلفـه عقبـه سرايـا
(ابو فهـد)
سطم فهد ال خليل الجعفري
احفاد عـدي و المعـا يـا
العرض العادي
