راكب اللي موديله فوق الألفيني 000 مصمم للصحاري يقطع خطوطه .
منوة اللي يبي ناسٍ بعيْديني 000 لو يشوفه يسومه ابن بطوطه .
سايقه ما يعرف الحمد والديني 000 ما معه كود دخانه وغبوطه.
ان كسب شيء وإلا ما خسر شيني000 غترته دايمٍ بالسيت مقروطه.
بالوظيفه على مثله معييني000 ما يطابق على التعيين بشروطه .
مجرم عارفٍ كل المياديني 000 يمسك الشخص بالسكين ويلوطه.
ساهر العين مع ناس مشقيني 000 والعرب كلها في خير مبسوطه .
ما كلا الموز والتفاح والتيني 000 وشوشته ما هي بالكوفير ممشوطه.
أشعثٍ وأغبرٍ ويصر بالعيني 000 يا نظر لك يصيب القلب بشعوطه .
مادري بالعراق ولا فلسطيني 000 كل الأوراق عنده دوم مخلوطه .
لو يجي بوش ومع البوش بوشيني 000 ما يهمه قرار الأمن وضغوطه.
يوصل العلم يم ناسٍ مسميني 000 ما يربون للغنام بالحوطه .
شغلهم مثل بدر ومثل حطيني 000 ما يعرفون لبس التاج وسلوطه.
معودين على ضرب النياشيني 000 بسابق الخيل من العدوان ممحوطه.
جلودهم يا لمسته دوم خشنيني 000 ما يعرفون لون الليف والفوطه .
بالبداية تحسبهم مساكيني 000 تطمع النفس والأطماع مغلوطه !!؟؟
حيث في كفهم سم الثعابيني 000 ترجّع الراس عقب الطول لهبوطه !!؟؟
من شعر : الصريح .
بالبدايه تحسبهم مساكيني .
العرض العادي
