ياعين هلي دمعتس لاتشحين
هاتي غزير الدمع لاتبخسينه
هلي دموعتس عجلي وش تحرين
القلب جور الوقت بيح كنينه
اسقي رموشتس بازرق الدمع ياعين
*لاتذ خرين الدمع لاتذ خرينه
على محمد هلي الدمع تكفين
لاتكنزين الدمع لاتكنزينه
اخوي تاج الراس طلق الحجاجين
قلبي عقب فقده جروحه دفينه
ياالله ياقابل صلات الَمصلين
عساه بالفردوس من ساكنينه
في جنتن كله ورود وبساتين
يقطف ثمر محصول توته وتينه
عليه ازج الدمع من مذنب العين
مالوم عيني يوم فكت سجينه
تقول في وسط الضماير براكين
عليه جفن العين ينثر غشينه
يا الله تجعل منزله وسط علّين
وتكسيه ثوب المغفره والسكينه
مشعل عسام التريباني في 20/10/1441هجري
مرثيتي باخوي الغالي محمد عسام غفرالله له واسكنه الفردوس الاعلى
العرض العادي
