[font=Arial Narrow][size=5][B][align=center]ان عبيد العلي الرشيد راح للجوف يبي يرتِّب به وعيوا السراح يدخل !!
الجوف عليه سور ولا قدر يدخل عليهم ..!؟
وقال ما اقدر اصيدهم إلاّ بالحيله ..! وهو يامر على العبيد وهم يطقون الخيام ويزينون هكالصيوان للأميـر عبيد بن رشيد بطرف الديرة ، والله وهو يدلي يخرجيهم من جاهـ كساهـ وانطاهـ من الأرزاق واللي ينطيه فوقهن سيف ، وهذا ابن سراح يوم شاف الدعوى هاللون ..! قال لولدهـ : ياولدي خلنا نروح يم عبيد نسلِّم عليه وغديه ينطينا مثل هالناس حنا وش قاصرنا ..؟
قال الولد : والله يايبه مانا شايفه اخاف ان هذي خدعه ..!
تعامل هو ويّاوهـ الوكاد غصبه ابوهـ وهم يجون لعبيد ويوم جوهـ وهو يحط الضباب بيديهم ، ويرتِّب عبيد بالجوف وياخذ ابن سراح وولدهـ معه لحايل وهو يحبسهم ..
عاد يقصد الولد يعني ابوهـ ، يقول :[/align][/B][/size][/font]
[font=Arial Narrow][size=5][B][align=center][frame="7 80"]
ما طعت شوري يوم انا بالسقيفه
يوم انت تقول هنا وانا اقول هانا
انا اشهد ان عبيد جانـا بحيفـه
وانا اشهد انه سلطة من سمانـا
اليوم تمر الجسب عندي طريفـه
من قبل ماناكل مذنـب حلانـا
لو البكـا ينفـع بكينـا مريفـه
الغرسة اللي شرّعوا بـه عدانـا [/frame][/align][/B][/size][/font]
[font=Arial Narrow][size=5][B][align=center]ومن عرض قصيدة طويله ماعرفه ...
الثمرة رتّب عبيد بالجوف .. وبعد ثلاث سنين اطلق ابن سراح ورجع لديرته ،
يوم جا للديرة لى والله متغير عليه الوضع لى والله مرتبن به ودعواهم متضعضعه ..
وهو يقصد ابن سراح :[/align][/B][/size][/font]
[font=Arial Narrow][size=5][B][align=center][frame="8 80"]
يالله ياللـي فوقـنـا معتليـنـا
حنا ومن يرجـي ثوابـك حذانـا
وحنا بليـا فزعتـك مـا بغينـا
والزاد لو هو راهين مـا هنانـا
وحنا اليا نوى شيخنا مـا نوينـا
وعن الموارد قاصـرات دلانـا
السيـف ماهـو باطـل باليمينـا
دابان يصهـل ناقلـه مـا يدانـا
والسفح ما يغديـه كثـر الدمينـا
والحق مـا يمشـي بليـا مشانـا
يـا لابتـي وشنوحـكـم .....
صرتوا ضعاف الحيل وانتم سمانا
ليا صار من زمل المحامل نشينا
وحنا علينا طسقهـم وش بلانـا
من قبل مـا حنـا بعـز هفينـا
تفتـحـت بيبانـهـا لقبـلانـا
ومن قبل ماناطا الخلايق وطينـا
واليوم بالرجليـن كلـن وطانـا
يالبيـض عـدن الملاثـم علينـا
هاتن ملاثمكـن ودوكـن لحانـا
وحطن خلاخيل الذهب في يدينـا
وتجنـدن بسيوفنـا يـا نسـانـا
تدري فروع الغيد لو مـا حكينـا
حفايظ للـي بقـى مـن ورانـا[/frame][/align][/B][/size][/font]
[font=Arial Narrow][size=5][B][align=center]
وعقب هالقصيدة وهم يمشون على رتبت الرشيد وهم يذبحونهم ويضهدون اللي موالين للرشيد من هل الجوف .. وبلشوا ـ الرشيد ـ الجوف عليه سور !! وهم يقصدون يقول :[/align][/B][/size][/font]
[font=Arial Narrow][size=5][B][align=center][frame="7 80"]
ان جيتنا يا عبيد نفتح لك البـاب
حنا نقيف وفن ربعـك يخشـون
الجوف تلقى به خليفٍ وحطـاب
ماهم فريق حروب عنكم يهجـون
والله لو جمعت ربعك والاجنـاب
ذي ديرة السراح عنها يحامـون
ياعبيد ماقصدك زكـاة ونـواب
هذا بغى ضيمار ياعبيد تكمـون
ياعبيد يوم انت رفيـق لحطـاب
والدبس عند حسين يغرف بماعون
اللي دفس بربوعكم جر الاسبـاب
اللي له الدفـاس ياعبيـد تبكـون
[/frame][/align][/B][/size][/font]
[font=Arial Narrow][size=5][B][align=center]
وهذولا اللي موالين للرشيد يقولولون :[/align][/B][/size][/font]
[font=Arial Narrow][size=5][B][align=center]
[frame="5 80"]يا اخوان نوره لا تصدون عنـا
تروا البحر سوق من اسواق حايل
انخوا لنا عبيـد ان ماجـا مكنـا
والا قولوله يزعجـون الرحايـل
تروا العرج وخليف خذوا ثمنـا
وغدوا بغرسات تعيـش القبايـل
من ضربهم كـل بـداره يونـا
لا ثار حـس مثعلقـات الفتايـل
نرمي وحنا للنظـر مـا مكنـا
يا عبيد والله ما نخص الزوايـل[/frame] [/align][/B][/size][/font]
[font=Arial Narrow][size=5][B][align=center]
المشكله عند عبيد بالسور اللي على الجوف ، لأنه بالاوله مسكهم بالحيله ، لكن الحين ماهي ماشية عليهم الحيله ..
بعدين قيل ان عبدالله يوم هو يروح لبغداد بروحته للعراق لقى له رجال يبون يذبحونه قطاعين طرق وهو يفكه ويوم فكه قال يارجل انت فكيتن من الموت هالناس اللي يبون يذبحونن فكيتن منهم انت وش انت ؟
قال عبدالله انا قطاع طريق ..
قال مار لو انت قطاع طريق انت هالحين تجملت بي واعتقتن من الموت علمن من انت .. انا شخص مانا بسيط انا حاكم.! انا حاكم ولاية بومبي .؟ علمن باسمك وعنوانك .. للدنيا واحواله ...
قال انا عبدالله العلي الرشيد واخبره بحاله .. وهو يكتب اسمه وعنوانه .؟
وهو يطري عليهم وهم يرسلون له مناديب ومعهم مكاتيب مضمونهن " انه عندنا ديرة عاصية علينا عليه سور.؟ تسان تلقى لنا سلاح يهد السور فانت اسعفنا بوه .؟
قال: عندي عزالله عندي السلاح اللي يهد الجبال !؟ عندي مدافع ...
وهو يدرّبهم بالرمي على ناصر ومنصور بالهند الى ما تعلموا بالرمي عليهن وحطهم بهكالسفينه الى ما وصلوا الكويت ويوم وصلوا الكويت جروهن على بغول وبعارين الى ما جو بحايل وجربوهن بالسمر الى هادن هكالقلعة .. قال ايه هذا اللي عزالله يهد سور الجوف .!؟
وهو يرسل عاد عبيد له قصيدة لأهل الجوف يبشرهم انه يبي يجيهم يقول عبيد العلي الرشيد :[/align][/B][/size][/font]
[font=Arial Narrow][size=5][B][align=center]
[frame="3 80"]
يالله ياللـي للجزيـلات وهــاب
تعطي ولا جزل العطى منك ممنون
يالله ياللي مـن ترجـاك ماخـاب
ياخيـر لـك المخاليـق يرجـون
ياغافر الزلات يـا رب الاربـاب
يا ناصر موسى على قوم فرعـون
تفتح لنا من باب نصرك لنا بـاب
واصحاب بدر وان فتحته يحضرون
آمين ياقاضي الحوايـج والانـواب
يا وامر وامره على الكاف والنـون
راكب اللي لا مشى يوثب اوثـاب
اليا شفت زوله يختفدز تقل مجنون
وعقب اربع يلفي عزيزين الأقراب
اللي على الديـرة قديـم يحامـون
قل بدال ما كزيـت خـط ونجـاب
لابد ما نمشي وناتي علـى الهـون
حنا هـذولا مجهديـن بالإطـلاب
ننطر مراسيل مـن الهنـد يلفـون
من عند ابن يعقوب حمال الانـواب
تسعين ليلـه والمراسيـل يمشـون
ما تجرتي من تجرة الناس بخضاب
من راس قـوم للحرايـب يهـدون
ان ساعف الباري وجينا بالاطلاب
لى تشوف منصور لخشمه يواسون
ناتيـك بجمـوع يعـيـون الإدّاب
يا ويل من بأطراف نزله يحلـون
ضياغم ترخص حلاله والأرقـاب
ودون الرفيق بمالهم مـا يـدارون
يا من يبشرني بخليـف وحطـاب
تبشير فرعون بموسـى وهـارون
ما نضربه بالبزر نضربه باطواب
واخش وسط الجوف وانتم تشوفون [/frame][/align][/B][/size][/font]
[font=Arial Narrow][size=5][B][align=center]وهو يجيهم بالمدافع ويدك السور عليهم وياليهم ويرتب بالجوف وهم يالونه الرشيد اليا ما انتهى حكمهم ...
ويتحدث الامير عبيد في هذه القصيدة عن استيلائه على الجوف سنة 1254هـ
من حاكمها السابق حطاب السراح :-[/align][/B][/size][/font]
[font=Arial Narrow][size=5][B][align=center]
[frame="2 80"]
يالله ياللـي عالـم كــل مكـتـوم
الطف بنا يـا عالـم السـر والغيـب
تجعل لنا عرض عن الشين معصـوم
يا واحد نزهت نفسـك عـن العيـب
أبن ادم مـا بيـن معطـى ومحـروم
من فضل من لا فيه شـك ولاريـب
يا طير ياللي حايـلِ تطلـب الحـوم
من فضل والي العرش مالك مطاليـب
الضد من ضيمك غشيش ٍ ومضيـوم
ومقصـر نقصـة بطـق العراقيـب
عقب الطفاخ وكثرة الهـرج والـزوم
صبـوا كثيـر علومهـم بالقواليـب
اللي فقد خلـي مـن النـاس ماشـوم
وحامـوا عليـه مورديـن المغاليـب
واضحى لنا الحربي من الناس ماسوم
وسم يخلي الشاه ترعـى مـع الذيـب
واللي صدر حاموا على راسه الـروم
وسـاق الزمايـل حزبـة والمهابيـل
والغربي انكف حصل اللـوم والشـوم
عقب الديـار وكسبهـن والحواريـب
هو خابـر خرفيـة بـاول الصـوم
صواقـع ترمـي مطرهـا دهاريـب
يلضي سنا برقه علـى كـل مزمـوم
نهارها كاليـل مـن واهـج السيـب
منا القصير وجارته سكانهـا البـوم
وجنـود حطـاب لنـاره حطاطيـب
واعذر ما يجري على العبـد مقسـوم
وغـرب يريـد محمـد بالمزيريـب
في منزل يا خذ على التـرك معلـوم
من كحمل السلطان يا خـذ مطاليـب
واللي بقى امس يا خـذه منـه اليـوم
ولا ظنتـي يعطونهـا بالتلاعـيـب
وعماك مثل اللي عن الديـد مفطـوم
عقب السعه ضاقت عليـه المهاريـب
مثل البعير اللي عن الوقـف مشكـوم
اعـذر براسـة عقـب رد المناديـب
وشيطانها عقـب التزاويـر مزكـوم
والكذب مـا بقـى يتامـى الكذاذيـب
كل شرب من صافي الغبـن وهمـوم
وجنحانهـم نتفـت ورش الذنانـيـب
واشكر ولاتكثر علـى نفسـك اللـوم
مـا جـا محلـه ياربيـع السعابيـب
افعالنا تخبر اللـي صـار لـك قـوم
نسري على المشعل وقدح المشاهيـب
والصبح نرخص نفسنا بـاول السـوم
حق البيوت اللـي بوجـه المعازيـب
كم حد هندي مـن الضـرب مثلـوم
بايمان ربع مثل عمـل القصاصيـب
وانا لغاراتك الـى المـوت مضمـوم
تزيد هقواتك ولو شفـت بـي طيـب
والـى تعلينـا علـى كـل لاهــوم
يوم الوغى ننطـح وجيـه الجناديـب
لى غليت الاسعـار والـزاد معـدوم
نلحق نقايـص بالرهـن والتراحيـب
لعيون من وسطه عن الردوف مهضوم
سلطـان باشـات البنـي الرعابيـب
بنت الكـرام اللـي مناعيـر وقـروم
من لابة مـا استلحقـت بالمشاعيـب
ترعى بظـل مـوردة كـل مسمـوم
غصب بظـل مكدريـن المشاريـب
وخزني على باس الدهر راس شغموم
الليث ابو تركي مهـدي المصاعيـب
طير يخبط الطيـر وان هـد بجـزوم
هو منتهى نجـد وملفـى المراكيـب
بحـزم وتدبـيـر وراي ومفـهـوم
وان قيل من هو فاعرفوا منقع الطيب
راس الجهاد ان قال الديـن مرجـوم
قيدوم ربـع وان نخـى كـل يجيـب
وان صار له من حادث الدهر ملـزوم
ناتي خفاف عقـب السـرا هراجيـب
واخدم لغاراته ولـو كنـت مخـدوم
يكفية عن حكـي اللسـان التجاريـب
وختمي عدد ما يزهو الليـل بنجـوم
مني على راعي الحـرم والمحاريـب
سماه والي العرش راحـم ومرحـوم
والرب يقبـل دعـوة العبـد ويثيـب [/frame][/align][/B][/size][/font]
ابن برزان
منقوووووول
قصه عبيد العلي والذكاء
العرض العادي
