السلام عليكم ورحمة الله وبركاته
..
.
الشاعر / فهد الفويه العبدي الشمري
شاعر عاصر الكثير من آمراء الرشيد منذ عهد الامير محمد بن عبدالله المهّاد
الى عهد الامير سعود بن رشيد .. وكان لقبه " شاعر بن رشيد "
وله عرضات وقصائد كثيره جداً سوف أذكرها في هذا الموضوع
ونتمنى ممن لديهم المزيد ان لا يبخلوا علينا
ولنضع هذه الصفحه خاصه لـ قصائد وعرضات ورديات الشاعر // فهد الفويه الشمري
..
.
وهذه مساجله بين الشيخ ركان بن حثلين والشاعر / فهد الفويه
يقول راكان : -
عزي لقلب كاثرات شطونه=لو قلت زلت عبرة جا بدلها
واخلي اللي في محاجر عيونه=خيل مشاويل تطارد بهلها
ياهل مراديم النضا اللي تجونه=ردو السلام انا فدا من نقلها
وكان رد فهد الفويه : -
أقول بيت ما حلا من فنونه=آخذ جدايدها واخلي سملها
قلبي على خلي تصافق ركونه=دليت اجيب القاف من محتملها
وبالكبد نار كنهم يشعلونه=حرق صناديق الضماير شعلها
على حبيب يوم قفت ضعونه=مرت على وصوبتني قبلها
علي دين ما ظهر مثل لونه=عندي فلا والله يخلق مثلها
كود القمر ولاظهر من مزونه=يوضي على سكن الجبل مع سهلها
حسن التهايا كالقحاوي سنونه=بين الشفايف تقل يمرس عسلها
والخشم حد مصقل يشذرونه=والملح والقبله مفارق جذلها
والبطن كالديباج لو يلمسونه=جديد ما عمر المسوى عملها
أتلى العلم به والخدم يتبعونه=اقفت تعد خطاه تمشي مهلها
وهذه قصيده رائعه له حيث يقول :
وونتـي ومـا بكبـدي مـن البيـن=ضاقت علي دنياي بالحيـل ضاقـه
مار ابتحل ياخـوي باللـي يعزيـن=قلبي معه ياخو لطيفـه (1) وساقـه
وجدي عليها وجد من لـه بعاريـن=محسوبتـه ميّـه وتسعيـن ناقـه
جـوه الغزيـل واقرشوبـه مقفيـن=من عقبها شوف البياضـة شفاقـه
او وجد من حالو عليهـا المثاريـن=بغى ينوض وعاثـره عظـم ساقـه
او وجد من له غرسة بيـن فاجيـن=ليلـه نهـار مايبـطّـل سيـاقـه
وقـع قليبـه ورى شـن البساتيـن=وباقت نخيلـه عنـد حـزّة شقاقـه
نمر(2) خذى من جمله البيض تسعين=كلّـه يـدور صويحبـه باللبـاقـه
ومحسن(3) فدى بالزين كل الهزازين=ولو يشوف صويحبي كيـف حالـه
زين ٍ بضنا زين وهو منقع الزيـن=والزين تجذب غيّتـه مـن عماقـه
--
1 ـ ناصر الحيدري
2 ـ شيخ البلقا من بني صخر نمر بن عدوان
3 ـ شاعر الغزل محسن الهزاني
قصيده فهد الفويه في وقعة ( الصريف ) عام 1318هـ 1901م : -
هنيت منهو داله مثـل صنقـور=ماهمه الدمام واللي سعـى بـه
ولاهمه اللي حطو العصر بقبور=ولابكى بيـض تلاعـج عذابـه
ياعل حالك يابو جابر بحـادور=وياعل دارك مايخضـر جنابـه
اللي تعادي حاكم البر وقصـور=حرٍ إلى شاف الحباري عثى به
بالمجمعة عجزوا يشيلون القبور=وصاروا رجوم مثل نايف هضابه
في غابة يشبع به الذيب ونسور=والضبعة العرجا ملت كل غابـه
وهذه قصيده للشاعر فهد الفويه ( عرضه ) : -
راكب فوق حمرا تهذل اهذالي ...
حرة(ن) تقطع الديان مامونه
فوقها واحد(ن) ماهو بذلالي ...
دون صبيان حايل لاتعوقونه
لاركب شيخهم من فوق مشوالي ...
حلو نقل الموازر يوم يتلونه
يوم ثار الدخن والعج ينجالي ...
والفشق مثل مزن هلت ركونه
جوك شمر هل الردات صوالي ...
ويل منهو بوجه الربع ياطونه
اهل مغيضة يمين وجوك صوالي ...
من نوىحرب اخو نوره يحربونه
واهل لبده يسار وجمعهم عالي ...
عادة راس شيخ القوم يهفونه
وآل الاسود مدرب كل ذلالي ...
ينثرون الحمر ماعاد يرعونه
كتبوا بالبيارق كل جهالي ...
شيب عين الذي غلبا يلاقونه
دارنا دارنا حنا لك عيالي ...
من بغى دارنا بالسيف يهفونه
دون حايل نسوق العمر والمالي ...
ولجل حايل نشيل الراس ومتونه
وهذه قصيده لفهد الفويه قالها بعد معركة الصريف : -
راكبٍ فوق حمراء بنت قطعيّه=كنه الطاير اللي عقب ماجاعي
كنه الطاير الهايف من الطيّه=لاتطايف عشاه وجاك مرياعي
من بنات الجمل وأمّه شراريه=غرسن طوعٍ وهن بالراس مطواعي
سرو تلفي لأهل حايل عموميه=لابتي في نهار الكون قطاعي
يوم نار الوغى باليل مضويه=والمشبّب لغالي العمر بياعي
ويل من داسته شمر برجليه=واستدارت عليه بقاسي القاعي
عادةٍ شمر تظهر وساطيه=ماتدّور نهار الكون الأطماعي
صاح عبدالعزيز بتالي الهيه=مثل حرٍ شهر للصيد فداعي
يوم ركب الجواد وصاح واوبه=أودع القوم طليلنٍ بلا راعي
يوم كون الصريف وصارت الهيه=ذبحة الشيخ كنه ذبحة الراعي
وهذه عرضه للشاعر فهد الفويه بعد الإنتصار الكاسح لقبيلة شمر
في معركة الجوف : -
يانديبي على حمرا ردوم
حرة له ثلاث سنين حايل
اركبه يا مبشر بالعلوم
لم شمر صناديد القبايل
قل جرى ساعة تجلا الهموم
تبري الكبد من باق الغلايل
جاك بن شعلان وجموعه تزوم
عبروهم خبيثين الدغايل
قام ابو مشعل السبع الضروم
صاح بالصوت ياصبيان حايل
قالوا العمر ماهو باللزوم
سبلوا وركضوا صدق صمايل
وردوا ورد قطعان تحوم
خلوا الدم فوق القاع سايل
وابن هذال والغثيان شوم
ذبحنا له كسبنا به نفايل
والجنايز غدوا مثل الرجوم
وا حسايف عزيزين النزايل
حيف ابوتايه راع القحوم
ماثنى دون نقاض الجدايل
..
.
واخيراً هذه القصائد المذكوره أعلاه هي مجهود ايام
حرصت كل الحرص ان تكون صحيحه .. وتقبلوا فائق التحيه
أخوكم / محمد السنجاري
قصائد وعرضات للشاعر // فهد الفويه الشمري
العرض العادي
