السلام عليكم ورحمه الله وبركاته
هذه القصيده وهي قديمه عندي بورقه حافظه مع باقي القصائد
وهي لشاعر جزاه الله خير على هذه القصيده الثمينه
لأعرفه ولايحضرني اسمه وارجو من يعرف هذه القصيده ان يخبرنا
والشاعر ليس شمري.... والدليل قوله
والله ماني بشمري وعلى الحيف مرضى لها *** وأنا من دون شمـر ضد العفون البايشه
والشاعر تكلم ورد على ابـو تجـــارب الذي ظلم نفسه وحط نفسه بمقام الكاذبين
وسـب دارنا وسب القبيله وتكلم بأمور .... ورد عليه الشاعر والقصيد تقول
ياعــل من ذم دار الكــرم ورجـالها *** عسـاها تجيـه من عند ربي طايشه
حايل ماهي بحال الأنذال وخبالها *** الأنذال مثلك للأفعال الردى حايشه
اللي يسّــب حـايل ماهو من عيالها *** حــايل بــرية منـه ومن طبـايشه
ديار حـاتم وشمّـر سخيّـة بأفعالها *** ومن ينكر المعروف تظهر فشايشه
واللي يعبث المفسده بسهولها وجبالها ***مطرود مثل إبليس ولا أحد يعايشه
الكـــرم والـجـــود زيـنـه لرجــالهـــا *** وأفعالهم بالطيـب تروي عطايشه
بالمـرحـبا والطـيــب لآهــل هـلالـها *** تنطـحك بالمواجيب خضر حشايشه
حايل عروس الشمال والشمري رجّالها *** ياما جلس مثلك على فطحه كبايشه
على المناسف شمّــر كثرة حلالهــا *** مثـلك الســربـوت تكبـر كـرايشه
طـقتـك بالأجــواد ماهـي مكـانــها *** لي خمسه وعشرين حول معايشه
لو تقصر حبال العرب ماقصرت حبالها *** كل القبايل تجلس بفيه عرايشه
واليوم بالعذاريب تطعن كريم عيالها *** مثلك عن الدار يرحل ويجمع قشايشه
ابو ماجد يمدح وابـو تجـارب غـالها *** ومن غال دار الكرم والجود يلبس غوايشه
خيول شمّــر اصيـلة مطواعه لخيالها *** وأبو تجــارب يركب خسيس جحايشه
لـولا سناعيس حـايل ماحـدٍ عنالها *** شمّــر أهــل النوهات للكــرم حايشه
ومن قال الكرم شمّــر صـدق مقـالها *** إسأل الذيب سرحان وإسأل هوايشه
من هم مثل شمر على مامضى لها *** معـشّـيه الذيـب بأكـبر كبــايشه
وفـيّـة بالعهـد حمـيدة خصـالـها *** مــاهم هـل البوقات وماهم غشايشه
شمّـر هــل الـردات ماحـدٍ قوالهـا *** ومن يدّعيــها بعيـب دعواه بايشه
شمر عفاف العرض ماهذا جزالها *** ومن يعترضها بسوء تكثر بلايشه
عفّــت الشمريه تقود وجه رجالها *** أنا أشهد انها بريّـة منه ومن فحايشه
تصبر على الصكّـات وتطيع رجّـالها *** والنذل السربوت ماياطئ فرايشه
كل الشرف والعز تنحى كرمالها *** السعـد للـي يفوز به ولاّ يعايشه
الشمريه تذود عن عرضها بنصالها *** طهاره الشمرية من طهاره أمها عايشه
واليا بغيت العلم اعطيك بعض خصالها *** في الجود والكرم مالهم دقايشه
إرجع للحثربي ماجد هو من عيالها *** سليل شمّـر ماهو من سليل الوتايشه
ومن غير قاصر بحضران القبايل وبدوانها *** لكن غلاك يالشمري لعروق الحشا نايشه
الذم لاجـالك من سفية القوم وخبالها *** زود على زود يعــلى عــرايشه
والله ماني بشمري وعلى الحيف مرضى لها *** وأنا من دون شر ضد العفون الوبايشه
وصلاه ربي ماعدّت سهولها ورمالها *** على من حرّم الغيبات ولو هي وشايشه
ودمتم بكل عافيه
تقبلوا عاطر وديـ ..
طهارة الشمريه من طهاره امها عايشه
العرض العادي
