![][ موقع قبيلة شمر الرسمي ][WwW.aLlShMr.CoM](images/misc/vbulletin3_logo_white.gif){kind=logo}
|
سؤال للجميع؟
السلام عليكم ورحمة الله وبركاته....
سؤال للجميع واتمنى من الكل الاجابه؟ لو تم الغاء الانتخابات بالكويت:: امه::بلدي:: نادي:: جمعيه:: شنو السوالف اللي تسولفون فيها بالدياوين؟ انا سألت واحد من الربع نفس السؤال وجاوبني بجواب غريب قالي اذا تم الغاء الانتخابات مايكون فيه دياوين لأن اغلب الدياوين فتحت لمصالح انتخابيه الصراحه جواب غريب ولكن قد يكون كلامه فيه من الصحه الشي الكثير وقد يكون مخطئ, انتظر الاجابه على السؤال لو تكرمتوا |
رد: سؤال للجميع؟
هلا اخوي
اكيد رايح يسولفون بسبب الغاء الانتخابات |
رد: سؤال للجميع؟
أهــــــــــل الكويــــــــــت ,,, أعيـــــــــــــــال حمـــــــــــــــايل ,,, وفتحــــــــت دواويــــــــنهم على عــــــــــز ومعــــــــــــزه ,,, وخاصة قبيلـــــــــة شمـــــر ,,,,
وأســــأل صاحبـــك ســــــــؤال منــــي أنا ,,, أيـــــــــــن عايـــــــش وبأي بيـــــئه ؟؟ |
رد: سؤال للجميع؟
شكرا ابو حارث المدعول واعجبني ردك بس بعد السوالف عن الغاء الانتخابات واذا خلصت هالسالفه شنو يسولفون فيه؟
هلا بالغالي الصفوقي ونعم بأهل الكويت وصاحبي يدري وانا ادري والكل يدري انهم عيال حمايل وارجع لموضوعي تجده قال الاغلب وليس الكل يعني عيال الحمايل يبقون على مجالسهم ودياوينهم وعلى عز ومعزه شرواك وشروى الرجال الطيبين اما اهل المصالح تتسكر دياوينهم مع قرار الغاء الانتخابات هذا قوله وهذا جواب صاحبي لي:: بس ياليتك جاوبتني على السؤال يالصفوقي وانتظر جوابك واعلم انه يهمني جدا جدا؟ واعيد السؤال؟ لو تم الغاء الانتخابات بالكويت:: امه::بلدي:: نادي:: جمعيه:: شنو السوالف اللي تسولفون فيها بالدياوين؟ |
رد: سؤال للجميع؟
هلا اخوي
ممكن يسولفون كيف يرجعون الإنتخابات من جديد ؟؟ ...... ( عموما هي سوالف رجال ... مالي فيها ) وبعدين قلّت السوالف ؟؟!!!! ما كثر الله غير السوالف ... |
رد: سؤال للجميع؟
أهلاً بك أخـــــي / صـــــــــايم ومصلـــــي
يسولفون بالطيــــــــــب وبعلوم المراجـــــــــــــــل ,,,, طال عمـــــــــرك هذه أجـــــــــــابتي |
رد: سؤال للجميع؟
شكرا يالشمريه وشكرا يالصفوقي ولكن الحين تسولف بالطيب وعلوم المراجل يقولون هذا مهايطي وبعدين ليش ننطر الغاء الانتخابات ليش مانسولف بالطيب وعلوم الرجال الحين؟
انا سألت نفسي نفس السؤال اللي طرحته لكم؟ واجابتي كانت على النحو التالي؟ مااعتقد فيه سوالف واعتقد تصبح اغلب الدياوين صخّه او على الصامت لأنه اغلب دياوين الكويت يسولفون بالانتخابات وماعندهم غير الانتخابات ولو الانتخابات بقالها 3 سنوات تلقاهم يسولفون فيها وحتى بالعزاء تلقاهم توهم دافنين الميّت ويسولفون بالانتخابات نسأل الله السلامه:: ولأ قلت يحولون سوالفهم (ريال مدريد وبرشلونه وميلان) لين الله يفرجها ويبدلون الشماغ والعقال بالكاب والدشداشه بالنطلون والقميص:: ان اصبت فمن الله وان اسأت او اخطأت فمن نفسي ومن الشيطان::: |
رد: سؤال للجميع؟
البناخي
سؤالك في محله وبالصميم وحسب خبرتي بالنت مالقيت مثل هالموضوع وفعلا سؤال غريب عجيب ويمكن ترجع سوالف تريتراا لبعض الدواوين |
رد: سؤال للجميع؟
دائما مايتم تبادل الاحاديث والقضايا بالدواوين سواء القضايا الدينيه او الدنيويه
وطبعا عندما يحل مجلس الامه راح يكون قضية ساخنه يتم تداولها بالدواوين بكثره عن اسباب الحل - تقييم الاعضاء السابقين - المرشحين الجدد مالهم وماعليهم |
رد: سؤال للجميع؟
اقتباس:
شكرا لك |
| الساعة الآن 05:38 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع