][ موقع قبيلة شمر الرسمي ][WwW.aLlShMr.CoM

][ موقع قبيلة شمر الرسمي ][WwW.aLlShMr.CoM (http://www.allshmr.com/vb/index.php)
-   ۞ ديوان لقصائد أمراء قبيلة شمّر والقصائد النادره ۞ (http://www.allshmr.com/vb/forumdisplay.php?f=49)
-   -   الله على وقت ٍ قضيته بعمان \\ بقلم الشمريه المجهوله (http://www.allshmr.com/vb/showthread.php?t=34640)

الشمريه المجهوله 2009-05-20 02:24 AM

الله على وقت ٍ قضيته بعمان \\ بقلم الشمريه المجهوله
 
في عام 2000 \ م
سافرت الى عمان مع الاهل
واقمنا في العاصمه الهاشمية وقام بدعوتنا على الغداء
المرحوم شعلان منيف فيصل الجربا وعائلته الكريمه
اكراماً لـ والدي الله يرحمه الذي له معزه خاصه عندهم
وعندما حضرنا استقبلونا ورحبوا بنا كثيراً ولم يعلموا اهل بيته بأني
شاعره فقد انطلقت بعدها بقصيدة مع السلامه يعيال الطنايا
وحين رجعنا الى البيت ارسلت لـ زوجته هذه القصيدة التي وجدتها
قبل ايام بأسمي الصريح معى اللقب
في ديوان ( شعلان في عيون الشعراء) تأليف ألاستاذ
سالم عبد الكريم الطراونه فحقاً يستاهل المدح ذالك الرجل العظيم
الذي كان شيخ شمر قول وفعل وذراء وعز الشمريه وهو غني عن التعريف
,
,
الله على وقتـ(ن) قضيته بـ(عمان= بس من يجينا النوم نذكر اهلنا
نسيتبه هموم كانت بالاذهان=وداويتبه جروح بقلبي تعبنا
بيت ٍ تلاقي فيه شيوخٍ وبدوان =وأمسير والمحتاج له يتعنا
وصينيتـ(ن) تشبع ضما كل جوعان= تقلط خمس قلطات ماخلصنا
مبيدر بها الرز ولشاش خرفان=وصنوبرٍ واللوز به زيننا
ومشرع ٍ البيت خلفة كحيلان= وبوبه لـ(توالي الليل مايغلقنا
عامر لنا يابيت بوجود شعلان=الاجودي بالطيب علومه برزنا
شبه النداوي الحر لاقاد شيهان= اللي شباك الصيد مالايعنا
بارز مثل سنجار وعالي يازوزان=راسي وعلوم ارخاص مازحزحنا
شمر تبي رضاك ياعالي الشان = يالهاشمي ياسيف فيك انتصرنا
يادرعنا دوم تحمانا بالأكوان=فيك نتحدى جيوش وان حاربنا
ان إمحلت انته ربيعي بنيسان=وان اظلمت دنياي انته قمرنا
ياهقوة الينصاك بدو ٍ وشويان=يانخوة الخفرات فيك احتمنا
مهزابة ٍ لـ مطير وظفر ٍ وعجمان =ويم عنزة وعتيب فيك افتخرنا
ياشوق من خده كما ضوح الامزان = شليل شقراء يوم شعره تثنا
ماقلتها ياخوي كذبٍ وبهتان = شوفة عيوني يوم لـ بيتك وصلنا
هلابنا بالباب الشيخ شعلان= ونعم لـ( بنات الشيوخ يوم نطحنا

وسلامتكم

بقلم الشمــريه المجهـوله

فضفاض 2009-05-20 03:11 AM

رد: الله على وقت ٍ قضيته بعمان \\ بقلم الشمريه المجهوله
 

الشمريه المجهوله
[B]
صح لسانك على القصيده الجميله و الرائعه

و يستاهل الممدوح مدحك و أكثر ,,,,,,

تقبلي تحياتي
[/B]

عمار السعدي 2009-05-20 03:53 AM

رد: الله على وقت ٍ قضيته بعمان \\ بقلم الشمريه المجهوله
 
الوفا طبع ونتي من قومن وفيين وانا أشهديالشمره هذي أطباعك
اختي العزيزة صح لسانك
ورحم الله شعلان الفيصل

عمار السعدي 2009-05-20 03:56 AM

رد: الله على وقت ٍ قضيته بعمان \\ بقلم الشمريه المجهوله
 
يالشمرية صح لسانك

على القصيدة الشامخه

دايم الزين 2009-05-20 09:26 AM

رد: الله على وقت ٍ قضيته بعمان \\ بقلم الشمريه المجهوله
 


الشمريه المجهوله 00 الله يعطيكـ العافيه
وصح بــــوحكـ 00

محمد الرخيص 2009-05-20 05:43 PM

رد: الله على وقت ٍ قضيته بعمان \\ بقلم الشمريه المجهوله
 
والف نعم بشعلان رحمة الله عليه وماهي غريبه
طيب وكرم وراثي
ورث جدود عن جدود


صح لسانك يالشمريه
قصيده معبره وبمنتهى الروعه

لاهنتي

طنيــان 2009-05-20 06:23 PM

رد: الله على وقت ٍ قضيته بعمان \\ بقلم الشمريه المجهوله
 
ش.م... صح فكرك ولاهي غريبه منك هذي القصيده نادره من نوادرك. ولا المدح لشعلان كثير اوجديد ولكن هذا وفاء منك وشكر وهذي صفه حميده ان الله يحب الشاكرين فانتي الوفاء ومنك الوفاء الله يطول عمرك ويسهل ويستر امرنا وامرك.
واللي ودي اقوله انكم لومانتم خيار الناس ورفيعي الشان لم يدعوكم شعلان الجرباء ولكن انكم تستاهلون.
وبالمناسبه انا مانسيت قصيدتك (حب الوطن ادمان) وادئما التصفحها ومؤثره بنفسي جدا لربطي لها بضروف اهلنا بالعراق. هل الامور تحسنت بنسبه لماذكرتيه بالقصيده؟
هل عدتولمعشوقكم الوطن.؟

صقـر المساعيد 2009-05-21 03:30 AM

رد: الله على وقت ٍ قضيته بعمان \\ بقلم الشمريه المجهوله
 
قلم جميل وقصيدة اجمل

ماشاء الله عليك

كل التحاايا لك


اخوك



صقر المساعيد

ولد الطنايا 2009-05-21 05:16 AM

رد: الله على وقت ٍ قضيته بعمان \\ بقلم الشمريه المجهوله
 
صح لسانت شاعرتنا المبدعة الشمرية المجهولة .

نـــــاايـــف 2009-05-21 06:00 AM

رد: الله على وقت ٍ قضيته بعمان \\ بقلم الشمريه المجهوله
 



يستاهل المدح رحمة الله عليه
وهذا يدل على طيب اصلك ومعدنك اختي

تحياتي
دمتي
بود


الساعة الآن 06:11 PM

Powered by vBulletin® Version 3.8.6
Copyright ©2000 - 2024, Jelsoft Enterprises Ltd allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع