][ موقع قبيلة شمر الرسمي ][WwW.aLlShMr.CoM - من روائع الشيخ والشاعر القدير : محمد مطلق الجربا

في أقل من نصف ساعه إستطعت أن أجمع جزء يسير من روائع الشيخ : محمد مطلق الجرباء

واللتي أصبحت تحيط بنا روائعه من كل مكان فالله دره من شاعر 0000 أترككم مع روائعه

من أنا

من أنا يا ليل هجري من أنا
إرحم قليبن بهوجاسه فنا

إرحم الجفن اللذي يسهر ذليل
من لذيذ النوم ما ليله هنا

ضوح امالن انا ولا سراب
دون دارن تتعب اللي له عنا

أو أنا ياس الأمل دون الرجا
أو أنا حبل الرجا لامن دنا

أو أنا مجنون بين العاقلين
أو جميع الناس جنوا إلا أنا

باب الأيام

مرت بـي الذكـرى علـى بـاب الأيــام
وطـرقـت بيـبـانٍ وصـدهـا زمـانـي
حاولـت أفتـح ماضـيٍٍ راح قــدام
جـربـت لـكـنـه زمـانــي عـصـانـي
ما فاد طرقي ولا نفع ضرب الأقدام
كـلـت يميـنـي ولا مجـيـبٍ دعـانـي
دريت أن اللذي مضى اليوم والعـام
شيٍٍ رحـل مـا يرجـع بيـوم ثانـي
خيل الزمان اللي بـلا سـرج ولجـام
أهــي الـفـراغ اللــي نـعـده ثـوانـي
لحظـه تمـر ماترجـع بكـل الأعـوام
ويـا كثـر باللحضـات قلـبـي يعـانـي
فرحة زماني لحضتٍ صابهـا سقـام
وماتـت قبـل لا تنولـد فــي كيـانـي
جاه القدر في جوف الأيـام بحسـام
أرداه مقـتـولـه وغـيــره عـطـانـي
إسترسلـت فـي عبـرةٍ سيلـهـا زام
يـا كيـف أنـا لحظـة زمانـي فنـانـي
ســلام يــا عمر ٍتجـاريـك الأوهـــام
عمـر تخضـب بالمـهـد دون ثـانـي
مرت بي الذكرى علـى بـاب الأيـام
ولا ينفتح باب إنوصـد فـي زمانـي

وين أنت…

البارحـه مريـت لـديـار خـلـي
شوقي زما والسيـر لديارهـا مـال
نظرتهـا نظـرات مـيـتٍ يتـلـي
آخر نفس ومناظـرٍ قربـه أطفـال
جلست أبي من شـوف داره أملـي
عينـي بـدارٍ فارقـه خيـر نـزّال
راحت بي الذكرى على ماضـيٍٍ لـي
ما ضل من هاكَ الوفى غير الإطـلال
بديـت أذكرهـا ودمعـي يهـلـي
وانثر من العبرات في كـل مدهـال
كل مطـرحٍٍ بالـدار ذكـرى يسلـي
ذكرى حبيبٍ ساكن الجوف مـا زال
هـذا محـل الريـم وهـذا محلـي00!
وهذا الشجر اللي إنتدارا به ظـلال
أناظـره مثـل القمـر يبتسم لـي
وأطارده في مطرحه كـل مـا جـال
وأنده بصوت من العنـى مستخلـي
وين أنت ياللي لي معك راحت البال
وين أنت ياللي مالكن صـرت كلـي
زلزلت في بعدك حشى الروح زلـزال
وين انت يا أحلى بقايـا بقـن لـي
مالي بقايا غيركـم والسفـر طـال
وين أنـت ياللـي للتعاسـه تجلـي
اليوم أنا وسـط الكـدارات رحـال
وين أنت صدري ضاق من ما حصل لي
تركتني في حـال واليـوم بأحـوال
يا ليت ضـلٍٍ ضللـك كـان ضلـي
وياليـت تفـداك العزيـزه وتنـزال
أشكي لمن؟ وانا همومي شكن لـي0!
والعين حارب شوفها كـل الأشكـال
يا ريم بعدك عال(ن) الـروح علّـي
سيفٍ يحز الـروح بقفـاه وإقبـال
غير أتصبر وأحتسب ما كتبلـي
وأكتم عباير حسرتي خوف الأنـذال
وأبقى على الذكـرى وفـي ٍ مجلـي
والحمد للباري علـى كـل الأحـوال

ناي الألم

ماسوى ناي الهوى أسمع أنينه

وسط ليل الصمت في عالم سكون

عالم (ن) كله جنون

عالم (ن) ياخذ خيالي خلف قضبان السنين

للأنين

للجروح اللي تدور لمسة الكف الحنين

لكن الأيام شينه

ولا سوى ناي الألم أسمع أنينه

رحت أدور غايتي بين السطور

خلف صحراء الشعور

فوق سطح المستحيل . . وغربة الليل الطويل

وإحترقت شعور وشعوري بخور

ينتشي به من سمع

ما درى عن الضياع

ولا درى عن النزاع

ولا درى كيف الحروف إبداع لكن إلتياع

ماتبوح إلا من جروحن دفينه

ولا سوى ناي الألم أسمع ونينه

غربتي ماهي معي غربت وطن

لا ولا غربت زمان

غربتي غربة مشاعر في بدن

يشتكي فقد الحنان

تستره ضحكه كذوبه مادرى عنها الغريب

ولا درى عنها القريب

آآآآآآآآآهـ . ياشين الذي تمشي على همه سنينه

ولا سوى ناي الألم يسمع ونينه

أتعبه كثر إلتياعه والسهر

يحسب اللحضه دهر

ولو نظر صوب الأماني في رجا

صارت دموعه نهر

يشتكي من عزته

ومن ليالي هزته

يشتكي كل مايحز الليل لحضة حزته

لين يصرخ ياإلاه الكون عينه

ولا سوى صوت الألم يسمع ونينه000!

منتظر

البارحه للمرجله داخلي هوش
والشعر هايج بين وارد وصادر

يومٍ نظرت اللي رما صايب النوش
محدٍ تجرى في مثيله يبادر

يامنتظر فعلك مع الطاغيه خوش
قادر بقوه خالق الكون قادر

يوم الخلايق خايفه من عصى بوش
حنا ضربنا بوشهم بالقنادر

ياهاجسي دون من الشعر منكوش
على رخام الذاكره بالمصادر

قل منتظر في جزمته خوف البوش
ذا قطر والمقبل ترى سيل هادر

نوآآآف

تنشاف ياذيب الفـلا دوم تنشـاف
لو مر طاري للرجولـه نشوفـك

سيد المراجل عزنا حلو الأوصاف
زايد على عصم الرجاجيل نوفـك

يا نازلن بالمرجله راس مشـراف
تتعب حروفي ماتسمي وصوفـك

واحد وتسوا باللقا عشـرت آلاف
ماهززك يومن دنا الموت خوفك

يلي تريد المرجله دوك نـواف
إياك سيرت هالنـداوي تطوفـك

يوم الردي لك بالردا خاسين حاف
سليت ياذيب الجزيـره سيوفـك

لك ضربتن يوم الوغا تتلف إتلاف
كم لحيتن قـد خضبتهـا كفوفـك

كريم حتا بالسطر تسرف إسراف
تاج(ن) على روس المراجل نشوفك

مثل البخور

كل ما أبتعد عن منهل الشعر وأختار
شيٍٍ أحاكي به همومـي وسـروري

تاتينيأموآجٍٍ بهـا قـاف الأشعـار
تجتاحني في سيلهـا مـن جـذوري

يا شعر لوتشعربي الناس مـا صـار
نزفي على الأوراق شـيٍٍ ضـروري

لكـنّ ناسـي كـل مالحيـل ينهـار
يلقون لذه فـي نـوازف شعـوري

يلقون بك جنّة ونا وسطـيإعصـار
يضرب وأنا أرسم دمـاره بـدوري

مثل البخور أصبحت يا شعـربالنـار
أحرق وغيري ينتشي مـن عطـوري

أبي آخذك يا شعر سجـه ومشـوار
وأبيك تنظر مـن تملـك عصـوري

اللي لها في داخل الـروحتذكـار
وطيوف حلوه في خيالـي تـدوري

عبر بها وقتـي علـى غيـرمعبـار
وبقيت أنا يا شعـر أنطـر عبـوري

عبـر بهـا لجـوار بـاريوغـفـار
في ليلـةٍ هـزت شوامـخ غـروري

ذا قبرهـا غدالـه الوقـتدثــار
يشيـل منـه الريـح رمـلٍٍ يـذوري

معاه أنا يا شعـر لـو كنـتبـالدار
حتى هلي نسيـوا معاهـم حضـوري

دكن زماني يبتغي نـزعالأفكـار
لكن صبري شلنـي وسـط طـوري

بديت أذوق من الحلا طعمالأمـرار
زيـن الحـلا بيـن غيابـه ضمـوري

وبديت أنا يا شعـر بالنـاسمحتـار
تحفظّك ما تدري شدايـد أمـوري

هذا وأنا أحمد عالي الشـانتكـرار
الموت حقٍٍ وصاحب الشـان يـوري

القلم

حتى سـوادك للعـذارا شـرف دام
أطهـــــر تلــــــوّث تشــــتهيـه الــــــــيمـامـه

يا أقدم مـن العـام والعـام والعـام
وأحدث حديث(ن(بـــــــــاقي(ن) في دوامه

أصدق من الكلمه على حبل الإعـدام
وأكذب من حـــلوم الــــكذوب فــــمنامـه

أطول من السكة من الصيـن للشـام
وأدنى من الشيمـه لـروس الـــنشامـه

وأقسى من أفعـال المناشيـر بعظـام
وأرحم من أمي لـو نـــوت بإهتـــــمامـــــه

أشرف على صدري من وشاح ووسام
وأحقر من اللي زاني (ن) فـي صيامـه

ماهو ردي ينطق ردى أبكم (ن) صام
طيب ولا هـــــــــــو مـن هـواه ومرامـه

عدل(ن)عوج صافي كدر كله أقسـام
خواف شرس(ن)ٍ ما يهـاب الـــــــجهامـه

فقيـر متـرف إمبراطـور خــدام
عليـل يـــعطـي للـــــــــــــخلايـق ســـــــــلامـه

دايـم هـو المـرآة والنـاس قـدام
يسيـر وأعــــــــــــــوانـه تثـيـت قـــــــــــوامـه

ما ينطق إلا تامـره غصـب ولـزام
ولا ينطق إلا كلمتـك فـي كـــــــــــــــــلامـه

يعني إن تردى صاحبه يصنـع إجـرام
وإن طــــــــاب شخصة زيّـده بإحترامـه

أقسم به الرحمـن بكتـاب الإسـلام
وبه هاجـم الكفـار أطهـر عـــــــــــــمامـه

هذا القلم ياكم على شـان الأقـلام
لو كان يهـدى بالكفـوف إســــــــــتقامـه

ضيقة عصير
(لاشك أن الأغلبيه يعرف هالعنوان وهو لشاعر المليون المبدع محمد بن فطيس المري سمعها محمد ورد بهالأبيات)

الضيقه اللـي جابهـا بـوش وبليـر
وش حيلتـي وآردهـا ياضنيـنـي

لو طال ظل الظلم وإستوحش الخير
كل(ن) على سجن الحديد يحدينـي

والعبره اللي جاوبـت نايـح الطيـر
طاحت ولا يحتـاج لـه ياعوينـي

من حولنا مشراف والفاجـر يطيـر
خلا سمانا نار فـي شـوف عينـي

لا حولي الإسعاف ولا أقدر أسيـر
يالله مـدك بالـرجـا ياعويـنـي

يامحمد ابن فطيس هي ضيقة إعصير
تشبـه لضيقـه دايمـه تبتليـنـي

ضيقة وطن يصرخ ضمى في حشا بير
يون صوتـه قطـع القلـب فينـي

تعبـت أدور درب مافيـه تفجيـر
وما أشوف جثه عن يسـار ويمينـي

والحمـد للـي حكمـه بالمقاديـر
اللي جعل حـزن الزمـن يحتوينـي

الجوف تنشر بـه همومـي مناشيـر
كنـه تقطـع أورده مـن يدينـي

يامحمد ابن فطيس ذي ضيقتي غيـر
وش عاد ضيقة ساعـة(ن) تعتلينـي

يآآآهيه

ياهيه ياللي كل ماناظرك حل
أنا أصيح من المعاناة ياحول
..................................
..................................
العام زل وناظري عنك مازل
يرقب مداخل حارتك يرتجي زول
..................................
..................................
أنا معك حال(ن) محال(ن) بلا حل
واليوم ماعني فرج عطني حلول
..................................
..................................
تدري أنت لو زولك لفا يمي وطل
أنخا خفوق(ن) يضرب العرض بالطول
..................................
..................................
أقول ياقلب الشقا ساعد وقل
ويرد لي قلب الشقا ساعد وقول
..................................
..................................
واليوم جيتك خافق وصاحبه كل
والكل منا يرتجي شي مأمول
..................................
..................................
فيك المشاعر صايبه ياترى هل
ولا بعد ياهل ترى خايب القول
..................................
..................................
إن كان مت بلهفتك منت في حل
معقول ترضى مقتلي فيك معقول
..................................
..................................
عطني ولو بسمة رضآآ منك ياخل
وإخذ الغرام اللي معك دايم يطول

أخوكم : (فآصل)