والله انـي ثقيــل
والله انـي ثقيــل ومــن رجـــال ثقال *** والله اني حريـص(ن)لادروبي تميل ولا أحب المجادل وش يفيـد الجدال *** غيـر ينقص مـن العاقل ويرفع هبيل ولا أعم النشامــــا طيبيـــــن المجال *** اقصد المزعـج اللي دايمن له صهيل وانقد النفس دايـم عن طريق الخمال *** لو تبعت الهوى ضيعت درب الخليل ودايم(ن) مـع إلهي دايم(ن) بإتصال *** ساجـد(ن) لـه وقايــم واعتبـرها قليل وكل ماحاشت إيدينـي حلال ابحلال *** لأجـل ربي ودينـي ماسك(ن) هالسبيل واقف(ن)للمواجب وسمعتـي بالعلال *** عنـد ربعـي وناســي والرفيـق الجليل والثنيــن الحشــام أشوفهــــم كالجبال *** صوتي إلهم ضعيـف ودايم إلهم ذليل وانظـر لشوق عيني بنت عم وجمال *** رافقتني سنيـن(ن) والأصيلــه اصيل انجبــت لــي بنـــات وكملتهــم عيال *** وسهرت لين شالوا كل حمل(ن) ثقيل دوم ندفي بعضنا من هبـوب الشمال *** ودوم نرفـا بعضنا عـن كلام(ن) يميل يمكن اللي وصفتـه واحد من الخيال *** ليت انـا وأنـت مثله الصحابـي الجليل // لامـــــــــــــــــــانع من النقـــد // |
رد: والله انـي ثقيــل
بعدي/ الريشاوي دامك سمحت بالنقد : ـ لقد كررت = تميل و يميل // وايضاً الجليل مرتين ادري انك ماقدرت تلقى كلمات وهذا ضعف بالشاعر يمكن احد الأعضاء يجد كلمة ويستبدل أحد الكلمتين دون اخلال بالمعنى.. مشكوراً واعتقد انك ستجد نقداً مؤلمــاً من الأخريــن .. تحمل أخوي .. والله يعينك وعلى كل حال صح لساني |
رد: والله انـي ثقيــل
سلام لها
صح للسانك مدد بلا عدد واشكرك على جزالة المعاني الطيبه وعلى ماذكرت فيها من خصال جزله ادامك الله وتقبل تحياتي وكل تقديري |
رد: والله انـي ثقيــل
كيف يكون النقد وهي ابيات تعالت في سماء التميز
ومن منا يقدر على النقد وما خطه قلمك في همات الابداع احترامي لك |
رد: والله انـي ثقيــل
اقتباس:
هلا مليون أخوي " مقبل عيد الشمري " وصح بدنك .. مرورك شرف .. والله يسعدك على حسن كلماتك الطيبة |
رد: والله انـي ثقيــل
|
رد: والله انـي ثقيــل
صح السانك
|
رد: والله انـي ثقيــل
صح لساانك
دائما مبدع |
رد: والله انـي ثقيــل
والثنيــن الحشــام أشوفهــــم كالجبال *** صوتي إلهم ضعيـف ودايم إلهم ذليل
جزاك الله خير صح لسانك ملاييييييين واعتلى شانك قصيده جزله تعبر عن شخصك فيها ونعم فيك يا طير شلوى تبل تحياتي |
رد: والله انـي ثقيــل
ابيات قمه في الادب والاخلاق والتدين والعفه
وبالنسبه للنقد تكرار كلمة الجليل كما اشرت انت لنفسك فقط الله لايهينك اسجل اعجابي بالقصيده بخمسة نجوم |
الساعة الآن 12:05 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع