خذيت بحكمت القايل لياكبرة همومك نم
 

خذيت  بحكمة  القايل  لياكثرة  همومك نم
تمدد  واترك   التفكير    لاتكثر   هواجيسك

ولكني  تذكرت   الكلام   عن  الضعافه  شم
ولاتركن   لهانات   الزمان  تزيد  احاسيسك

وابي عكس المقوله كل ماكبرت همومك قم
تحرك  في ربوع الواسعه واشعل  مقابيسك

وانا والله عزيز  ومركبي  يقطع  عميق اليم
بسوقك ياضعيف العزم لين  ابعد مراميسك

بسوقك بالعزوم  اللي  توردني  قراح  الجم
وابانزل منزلاً تقصر عن ارحابه  عواسيسك

تجرهمت الجزايل طالبن  للمجد  كيف وكم
على سرج الاصيل اللي  تعززفي  نواميسك

اناعيوني كفيفه عن خطا العالم واذاني صم
واقول  لعابد  الغلطات   لاتضرب  نواقيسك

انا حرن  طليق السبق  وايخم  الجزايل خم
حذفت الهزل واخترت التعالي عن دنافيسك

الاياطير  تفكيري  على روس  الشوامخ حم
ولاتنزل   عن العليا   تخفّض   من مقاييسك

كذا ياطير تفكيري عرفتك دايمن ملهم
تهاجم صاطعات الضي ياشبّة فوانيسك

مشعل عسام الغافل التريباني الشمري في 5/2/144‪ 2هجري

رد: خذيت بحكمت القايل لياكبرة همومك نم
 

صح لسانك الف يامشعل

رد: خذيت بحكمت القايل لياكبرة همومك نم
 

صح بدنك اخوي اسامه شكرالمرورك لاهنت

رد: خذيت بحكمت القايل لياكبرة همومك نم
 

صح لسانك .. مبدع بيض الله وجهك .

رد: خذيت بحكمت القايل لياكبرة همومك نم
 

اخواني
وامواتي
صححت ابدانكم جميعالاهنتو