][ موقع قبيلة شمر الرسمي ][WwW.aLlShMr.CoM - (( من مات منهم لاتعده فقيده))

أمس الضحى عديت في نايف الحيد
مابين شعر وبين معنى الفريدة
مثلي على المبداء يحده حواديد
يصمد وراع الـهم مـاله صمـيده
يسوقه الهاجوس سوق المعاويد
من الضيق كنه فوق حام الوقيده
همٍ يقدد ثومـة القـلب تقديد
هنيكم ياأهل القلوب البليده
لو إني أرقد نوم بعـض الهلابيد
ماشفـت حالي ناحلٍ كالجريده
النوم للي مايحـسـب المناقيد
ماهمه إلا كيف يملا مسيده
لا ناطحٍ قاله ولا جايب فـيد
وليا فـتح عينه لقـاها رغـيـده
راحوا وخلوهـا الرجال الصناديد
قرنٍ لحقـته مابقــا له شريده
يوم الطمع دونه رمـاح و بواريد
والنذل تنشـب كلمته فـي وريده
الحر يفرس والحـباري مجالـيد
يعرف بهـا الطيـب من أيا بديده
مايعرفون ابها هل الحسد والكيد
ولا يفتخر راع الرصـيد برصـيده
واليا اختلف سلم العرب والتقاليد
من مات منهـم لا تعده فقـيده
لو هو قريبٍ منك فرقى الردي عيد
جعله مـن الدنيا يعجل شـديده
يعيش معـزولٍ عن الناس ووحيد
أخير من قرب الوجـيه القريده
يوم إني اذكر بعض الأحوال يافهيد
الوقت جـافي والـموارد زهـيده
وإن حدة الحاجه لبعض الرعاديد
في يوم ماينفع عضـيدن عضـيده
نفسي معودها على الصبر تعويد
والصبر نكسب به صفاتٍ حميده
وخير الكلام الذكر من غير تحديد
مع خالص النية وطيـب العقـيده
يقولـه اللي مانشد زيد وعبـيـد
بالمصحـف الطاهر لقى مايفيده
من طبق اللي فيه نـال المقاصيد
وسلك طريق أهل الحياة السعيده
مايستوون أهل القشر والأجاويـد
الله فرقـهـم فــي أمورٍ عـديــده
قال : اعملوا تلقون وإلكم مواعيد
أجل قصير ومن قضى أجله نعيده
مرجاعهم لله جمـوع وتفـاريد
والله بخلقه يفعل اللي يريده
دنياك مافيها حيـاةٍ سرامـيد
زرع الفنا لابد له من حصيـده
من ساربالسكه وصل لآخرالسيد
العبـــد لابد المنـــايا تـصـيـده
ترا المـنايا للبـرايا حواصـيـد
والموت له مع كل نفـس وعيـده
والرابح اللي من هل الخير وشهيد
وادرك بحسن الخلق مرضاة سيده
حبـله يـورد طـيـبـات الـمواريـد
لاصـار مع ربه حبـاله جـويـده
والحكم للي يبدي الخلق ويعيـد
هو ربنا الواحد وحـنـا عبـيـده