ياسيف بالله لا تناودن برشيد = الله لا يبلى يوم جرى لي
امسى الضحى جتنا علوم تواكيد = شيخ الجبل من نقرة السمره شمالي
واودع مع الخل الشمالي براريد = واخذ على جال الجزيره ليالي
دار جفت ريف المراميل وعبيد = تعطي الخراب ويذهبون الرجالي
وشلي بكثر الملقحه والكواديد = لاراح عبدالله وعقيل القبالي
العي كما يلعي رضيع على الديد = لابات مكروب عليه الزمالي
من قلط العبد الطفامه على السيد = يجلس بصلو الشمس عقب الظلالي
تبشروا بالباج يا اهل المعاويد = ومن له معيد يحتفظ بالريالي
صيور ماينزل غنيم على فيد = ونشوف من ينحى العدو بالفعالي