][ موقع قبيلة شمر الرسمي ][WwW.aLlShMr.CoM

نعوذ بالمولا عظيم الموازين=الواحد اللي يطلبه كل مضهود
الباري القابل صلات المصلين=رب صمد دايم على العرش موجود
بأسمه وذكره يجهرون الملبين=في يوم كل الناس به تطلب الجود
انا دخيله عن هل النكر والشين=الواحد اللي للمخاليق معبود
من بعد ذكره صغت قاف بتقنين=قاف من المنهل على كل موكود
لقيت من يتبع خباث العناوين=اللي عليهم ماض الاعوام مشهود
يوم الملا كثيرهم بالدياوين=تدري هل الخيرة بمجمل ومعدود
جولات وقت كل ابوها بمضامين=عن ضفها يدري من الناس منشود
والناس تدري في مسار ابو وجهين=لو كان مااحد في سعى الشين محدود
يمدي هل الشيمات والمذهب الزين=يدرون عن خيبة مهاتير واقرود
وش قال راع الحق والناس صاحين=في ساعة فيها الملا كانوا وكود
ولو كان ليه قيل كل المسمين=مانا بهم عند اللوازيم موعود
مثل ماقال اللي من عقب الصلاتين=يسعون في منهج مخازي ومنقود
طارت طيور وانتهت ساعة القين=ولاحنا بحاجة كل هافي وخندود
وهذيك منكارة خفي ابو وجهين=قضوا على وصله مشاوير واحيود
عساه لادل اللذي مستدلين=يعطيه خافي وقتنا جملة بنود
والا معه يطمر خطاة الرديين=اللي عن اليمة مغارير واخمود
واما اللذي صامد على واقع السين=خذا الوكاد ولاهنا اي منقود
لاشك وين مثمنات البراهين=اللي بهن يفرق هل البيض والسود
من وقت طالوها الرجال العزيزين=اللي لهم في منهج العز مصعود
ومن لايعد من الرجال الوفيين=خاب وظلم حظه اليا بان موكود
ولافاز لو تاقف معه دولة الصين=ولو صار له بعض المشاحي بعد زود
يدري خفي اللي خذا واقع علين=يوم انهم بين المواجيد واهيود
وشراذم الدنيا على كل ابو حين=ماهنا لهم مع منهج العز محمود