ندري ان الوضع شين ولا بقَى به شي طيّب=وندري ان الشر عم اللي سكن جوف المدينه
وندري ان الهقوه اللي لاتغيب ولاتخيّب=راحت ادراج الرياح اللي على عكس السفينه
والعطش قتال واللي مايخاف ولا يهيّب=راح مرواح اليقين اللي تسولف به جهينه
الفضاء واسع ولكن الامل ماهو قريّب=والعمر قفَّى وراح الياس في اكثر سنينه
وش نخلي وش نقول و وش نعاتب وش نغيّب=وش نسوي بالسهر لاضاق برحاب الغبينه
نرسم الاوجاع في كوخ الضعيف اللي مشيّب=ونستجير من التعب حزنه وغبنه والضغينه
وياحبيّب ليت لك طبعٍ مثل اسمك حبيّب=وليت منهو بالامانه كان بيدينٍ امينه