ياربنـا التوفيـق فـي البـدايـه=ويارب حسن الخاتمـه بالنهايـه
اطلبك انـا يـارب تقبـل دعايـه=تغفر ذنوبي كلها كبـار وصغـار
يارب سترك يالطيـف الخبيـري=يالله فيك من الغضـب نستجيـري
ياعالمـن مايحتويـه الضميـري=انت الذي عالام فـي كـل الاسـرار
طالبك انا يـارب تغفـر ذنوبـي=وياساتر المخلوق تستر عيوبـي
وتفرج لنا الشدات عند الكروبـي=ويالله نطلبك الفرج عقب الاعسار
يارب عبدك تحت حكمك ضعيفـي=اللطف بنا يالله وانـت اللطيفـي
يارب جعلي من ذنوبـي نضيفـي=وارد على الجنه وجنب عن النـار
يـارب تقبـل توبتـي وتحمينـي=وعلى الطريق المستقيم تهدينـي
يـاالله بالاسـلام تقـر عيـنـي=دين الرسول المصطفى سيد الابرار
ياالله ياكثر المعاصي مع النـاس=تبلـدت ياربنـا كـل الاحسـاس
زماننا فيه الفتـن مالهـا قيـاس=كثر الخنا ياربنـا سـر وجهـار
والمسلمين اليوم في ماقفن سي=اعدادهم كثير لاكن ولاشي
يارب وحد صفهم يايلاهي=وجعل لهم قوه ونصره وتعبار
يارب تعيد مجادنا الاوليه=يومن واحدنا يعادل سريه
غزوة بدر وتبوك والقادسيه=تبقا على طول الليالي لنا شعار
يالله نعيد الاندلس مع فلسطين=من النصارا واليهود الخبيثين
حنا في الاسلام دايم قويين=اليجتمعنا نسود في كل الاقطار
هذا ماعندي ولانحب الاطاله=اطلب من اللي كل مسلم يساله
الواحد المعبود جل جلاله=يرزقني الجنه واجنب عن النار

المشاركة الأصلية كتبت بواسطة المهدي بن تركي (المشاركة 365949) الشاعر عبدالله الجرهدي صح السانك وتقبل الله منا ومنكم وساير المسلمين حقبقة نص مفعهم با الايمان وشاعرية راقيه كنت هنا للاعجاب

المشاركة الأصلية كتبت بواسطة أبن داغر (المشاركة 365965) صح لسانك اخي الكريم

المشاركة الأصلية كتبت بواسطة ناصر الوبير (المشاركة 365990) ياسلام عليك ياعبدالله واسئل المولى ان ترد على الجنه وان تجنب عن النار انت وانا وكل المسلمين قصيده فيها من الدعاء والترجي الحسن الجميل الله لايهينك ويحفظك ربي انشاء الله مودتي واحترامي اشخصك الكريم

المشاركة الأصلية كتبت بواسطة عبدالله التومي (المشاركة 366015) والله أصفق لك ياعبدالله الجرهدي شاعر جزل وكل يوم والآخر تثبت أنك شاعر غير عادي صح لسانك يالسمي