نومي على جنبي ونفسي عليله=مدري علام الليل كله هواجيس
اصارع أوهام الزمن بتحليلـه=اعوذ بالرحمن من غزوة إبليس
مالي ياكود الشعر انظم وأشيله=انظم بيوتن ترجمات الاحاسيس
الوقت هذا مالنـا فيـه حيلـه=بيارق الاسلام نامت مناكيـس
وين العروبه وين تاريخ جيلـه=كلّن يناظر في رفيقه مفاليـس
منهم يشاكل بينهـم بالشكيلـه=ناسن تكامخ مثل فعل الجواميس
ومنهم رفيق الغرب هذا عميله=بلاّس خاين ينتمي للجواسيـس
ومنهم ضعيفن ماينال الطويلـه=خسران دايم في علومه دنافيس
ومنهم قوي الباس فعله هبيلـه=راح الضحيّه بينهم ذبحة التيس
هذي عربنا اليوم عاشت ذليلـه=مادام روس القوم راحو مهاليس
عز العروبه في عربها يبيلـه=رجل حكيم الراي فعله مقاييس
صقر العروبه من قديم يشيلـه=افعاله اللي للعروبـة متاريـس
هذاك ابومتعـب ذراه و كفيلـه=سديد راي و مايراجع قواميس
بصماته اللي بالمواقف جليلـه=راع العلوم الطاهره والنواميس
راع العزيمه بالفعول الهويلـه=عدوه الخايب سنينه متاعيـس
يالله عسى عمره سنينه طويلـه=ابن الامام مؤسس الدين تأسيس
جمع شعوبه لين صارت قبيلـه=وأشعل لهم في كل ديره فوانيس
نومي على جنبي ونفسي عليله=مدري علام الليل كله هواجيس
اصارع أوهام الزمن بتحليلـه=اعوذ بالرحمن من غزوة إبليس

المشاركة الأصلية كتبت بواسطة اخت الحجررر صـــــــح لسانك لاهنت يعطيك العافيه اخوي على الابيات الرائعه

المشاركة الأصلية كتبت بواسطة النـــمـــر يستاهل أبو متعب والله يطول بعمرهـ . صـــــــح لسانك لاهنت يعطيك العافيه اخوي على الابيات الرائعه النمـــر .

المشاركة الأصلية كتبت بواسطة السكب الأسلمي صح لسانك وعلا شانك ياولد السيافا قصيدة من شاعر جزل لرجل يستاهل الله يحفظ لنا ابومتعب

المشاركة الأصلية كتبت بواسطة بدر الشمري يستاهل أبو متعب والله يطول بعمرهـ . صـــــــح لسانك لاهنت