الله من واخذن فرج ضحى العيد = كم راس شامى تقل نوار وادى
وانا على التفريق عدى على حيد = تقنطرت بى يوم صاح المنادى
مير وان عاش راسك كل يوم لنا عيد = عد عطايا ياطير شلوى جوادى
وطير شلوى معزبينه حواصيد = ومامن زرع الا ورها حصادى
شارات خيرك مابعدها عويديد = الله جعل كفك لمالك نفادى
وكل يوم يا سم الاعيال الصناديد = ماقلت هزون يا صطام المعادى
الجود عندك خادم وانت له سيد = والى يسبك غادين ثم غادى

المزنه الغرا مشت من لديده = ممشاه من خشم الهضاب المظله
من خشم عرنان للينه للضيده = بطول ماجت بمخايل كله
جت من شمال وقبله مستريده = زهاب خطو المصطفق عادتن له
مده من الجبله تناول مديده = بوسط العريق وخمشات بان ظله
مثل عراقيب الدبى يوم جيده = ومثل لجاجات الحشر يوم استهله
كبن عشاهن بالملاقا من بديده = كديدحان البوسهم يوم فله
مير هاش ماضيعت من بديده = ويا ما غداله بين حلالن وحله
غدا الذويبى ومسلط بى ضديده = وغدا ابن ردعى فوقهم تقل جله
حتى الذويبى ومسلطن ضاق عيده = من ماطرن تو القلوب استهله

يا ورثه الاجواد وين الوعيده = الى وعدتنى ترى نستحله
وعيدتن بين الامير وعقيده = وابن رخيص محمد هو شاهدله