ليه الغدر باللي يحبك ويغليك=وليه الخيانه دايم اعظم صفاتك
وانا الذي لوتزعل اتعب واراضيك=ولاافتكر ياصاحبي في سواتك
اجمل عبارات الغزل قلتها فيك=واجمل بيوتي قلتها في حلاتك
ويامى رست سفن الغلا في موانيك=تحمل عبير الطيف من ذكرياتك
والحين صفحات الهوى جات تطويك=ولاعاد باقي غير نسمع وصاتك
ذبحتني ماتلتفت يوم اناديك= واتعبتني كلي امل بلتفاتك
أتعبتني والنفس عيت تصافيك= ونفسي تعيف اللي سماته سماتك
طعنتني بين الضلوع المشابيك=وتضحك مع العالم تبين براتك
طعنتني ياجعل ربي يجازيك=طعنتني محدن يسوي سواتك
لو غير ناصر ذمتي مافتكر فيك=مار البلا ناصر يموت بحلاتك

المشاركة الأصلية كتبت بواسطة الحثربي (المشاركة 310049) ناصر الوبير صح لسانك رائعه ومعبره تقبل مني كل الشكر اخوك الحثربي

المشاركة الأصلية كتبت بواسطة الـقـفـيـعـي (المشاركة 310056) ياهلا بك عسى المانع يكون خير صح لسانك مدد بلا عدد جاد شعرك وسلم صدرك تقبل مروري

المشاركة الأصلية كتبت بواسطة أبو فلاح (المشاركة 310111) صح لسانك يا ناصر ......... وعلا شانك ........

المشاركة الأصلية كتبت بواسطة أبن سعدي (المشاركة 310120) الاخ ناصر صح الله لسانك قصيدة رائعه بأنتظار جديدك تقبل مروري ودمت بود