ما يجهل الـتاريخ ولا يمتحنا =قحص الأصايل حافظين ٍ مهوره
من دور يعرب خــــيلــنا يعرفنا =قـــــدام ســـــودا ما يردد نــــشوره
من سد مارب شال واشمل ضعنا =وعصوا على دفع الضرايب حضوره
قمنا على سلطان يـــــوم امتحنا =لعيون مــــيثا والــمنايا يزوره
سلطان مـارد بــــحربنــا ماتهنـّـا =من كــــاد كدنا له على ظلم جـوره
حنا الضــــياغم والمـواثيق منا =امجادنا تعـرف مــواضي عــصوره
حنـــا الذي يوم الحرايب طعنــا =اهـل الشرف والطيب شمـر زهـوره
بهيج قــــفاّ وعاف داره مــجنا =واعلن اسم شمر وقويـة جــــــذوره
وانشد بن عروج يخـــبرك عنا =كل الفعول الماضيات مــــــخبوره
وجمع الفضول اللـي يـقوده مهنا =قبل يقال الخيل بريـــت ظهــوره
شمر لها عـــند القــــبايل مثـــنّا =وشمر هل الطولات من صـار دوره
حنا الضياغم ودار حايل وطـنا =حنا الذي من اسّســــه ساس سـوره
راع الشداد وصاحب الـكور منــّا =وتعاقبوا عيــــال الضياغم بكـوره
واللـي دخل بديارنا صـــار منـّــا =وضح ٍ على دار الضـــياغم نشــوره
اجا وسلمى دارنا وهي فــخرنا =واطلق اسم شمر عــــلى جدار دوره
زوبع وعبدة والسناعيس حنـّـا =واهل اللحيسه لاخـــذا المجد دوره
وابــيوتهم بـاطراف سلــمى تبنا =من دور حاتم والركــايــــب تزوره
هـــل الحمـــيه جمـــعهم ماتوناّ=عندي على كل التقـاريـر صوره
وحنا الطنايا وانـشد النا س عنا=هـــدّاتـــنا تشـبـــع حــوامي نســوره
ونرفع مقام اللـي علــــينا تعنّا=وخويــنا نـجـبــر مثـالم كــسوره
تم الجواب اللـي لقــــافه نضمنا =مـا روّجــه دحـش ٍ يشــابــه لـثـوره

المشاركة الأصلية كتبت بواسطة هـتّـان (المشاركة 605757) صح لسانه وسلم بنانه على هالرائعه شكرا يا نايف