قصيدة عبدالعزيز الفراج السبيعي في مدح عموم شمــّــر
قصيدة الشاعر : عبدالعزيز بن سلمان الفراج السبيعي http://www8.0zz0.com/2010/02/05/21/430677782.jpg التي ألقاها أمام جموع غفيرة من أبناء وشيوخ قبيلة شمر في حفل عرس الشاب / عايد بن مفلح آل مخيدش الشمري . وقد وقف الشاعر على المنصة واستأذن من الأمير عبدالعزيز بن تركي آل سعود بقوله : اسمحلي يا طويل العمر أن أمدح من يستحقون المدح . ثم قال : أنا والشعـر تربطنـا مـوده = وإليا بيحت سدي بـاح سـده أقوله وأعتني به وأفتخـر بـه = ولا وقفت بموقف غيـر قـده أحبكه حبك من معنى وفكـرة = وأهول مبعد النظـرة وأشـده وإليا منه نشدني وش طموحي = طموحي يوم أجي شمر وأعده زحازيح تشرف مـن مدحهـا = لهم عن غيرهم عشرين شـده مغازيهم من إثقـال المغـازي = وطرايحهم تعيش الطير مـده وقلايعهم من خيـار القلايـع = وسلطتهم على كبـار الأشـده يردون الحفيف إن كبر جـوره = مثل وصف النمور المستعـده معاديهـم حفيـده يرتعبهـم = يعرف افعولهم من حكي جـده وعرفوا في سناعيس وطنايـا = وكل واصـل بالطيـب حـده واحدهم لا جت الطنيه براسـه = ما تستبعد طويـق إنـه يهـده تساوقهم سعاطيـر الرجولـة = وكثر الطيب فيهـم مـا نعـده عطاياهم بحـر وإذا تقصـوا = وش البحر الأحمر جزره ومده لهم تاريخ أبيـض كالسحابـه = من أقصى حايل إليا بحر جـده شيوخ قسمهم بالطيب واضـح = وباب المدح عنهم مـن يسـده وإليا جت الطنايا بالعـزاوي = معاديهم توطـوا فـوق خـده صواريم ربت بأرض الجزيرة = وشاهدهـم بسـاط المجرهـده وإليا ركبوا على بنـت العبيـة = محاربهـم تجافيـه المـخـده تحلـوا بالشجاعـة والمكـارم = وقف النفس والحيـل المعـده واختمهـا بذكـر الله وأوقـف = ولا أوقف بموقف غيـر قـده . . . صح لسان الشاعر / عبد العزيز بن سلمان الفراج السبيعي وسلم نبضه وبنانه وإعتلا شانه على هذه القصيدة تحيتي للجميع |
رد: قصيدة عبدالعزيز الفراج السبيعي في مدح عموم شمــّــر
الله لا يهينك
على نقل هذه القصيده الرائعه وبيض الله وجه ابن فراج |
رد: قصيدة عبدالعزيز الفراج السبيعي في مدح عموم شمــّــر
بيض الله وجهه وانت ابيض وجهه يابن العم |
الساعة الآن 10:13 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع