أنا بدوي وأعشق تواريخ الاجداد
((تواريخ الاجداد))
أنا بدوي وأعشق تواريخ الأجداد=وأقولها ليت الزمن بي يعودي هاك الخبر كانك عن المجد نشاد=شعري بهم غصب ٍبيوته تجودي لاحل بالوسمي مع البرق رعّاد=أستبشروا لاظلمت بالرعودي شبوا حطبهم تالي الليل وقاد=تعللوا وأفراحهم به تزودي بيت الشعر يندى مع الغيث يزداد=سعادة ٍ مامثلها بالعهودي حل السعد في دارهم والفرح عاد=عقب التعب عقب الشقا والنكودي وأليا سمحوا من دارهم شد رواد=أقفى ليالي للخباري يرودي ثم عاد لدياره مع الصبح منقاد=معه الخبر يوم أرسلوه الفهودي قال العوض ياهل السطر حد بغداد=أرض ٍدعث فيها الخزاما يسودي شدوا على زمل ٍ بهن زود وشداد=يوم أقرشن راع السلف له يقودي مع طلعة النجمه تعدوا الأجواد=أقفوا يدوسون الوعر والنفودي ساقوا مظاهير ٍ لهن ذكر وأمجاد=شقح ٍ ويتلي تالي الشقح سودي ذود ٍجنبهن في يمانيهم حداد=حداد للي يقربون الحدودي ومشنشلاة ٍ تفري نحور الأضداد=لافرعن له ناعمات الخدودي أومى بهم وأودع شرايدهم أبداد=فرسانهم ذبحوا ماغير الشرودي راح الشرود وحيلته عض الأنجاد=قومه تزايد غبنهم بالكبودي والقوم الآخر يومهم مثل الأعياد=وفي ضفهم هاك الغنوج العنودي زينه طغى وبراسها عز وعناد=تذبح عرب في خصرها والنهودي وأن سلهمت خجت سليمين الأكباد=زين بدويه كامل ٍ بالجعودي ذولا البدو في ذكرهم طيب وسناد=لاشك باحت من كرمهم سدودي كم فارس ٍعقب السطر حدر الألحاد=مر الزمن لكن بقى له شهودي واليوم في نعمه بلا خوف وأنكاد=في ظل حكام البلاد السعودي نبذه عن الماضي بلا زود وأنقاد=تاريخ باقي لليالي يذودي أقولها وأفخر بها قدم الأشهاد=عزيز راس وبالبطاقه سعودي وسلامتكم |
رد: أنا بدوي وأعشق تواريخ الاجداد
أقولها وأفخر بها قـدم الأشهـاد
عزيز راس وبالبطاقـه سعـودي صح لسانك . اخوي عمر الهمزاني والله لا يهينك |
رد: أنا بدوي وأعشق تواريخ الاجداد
ساقوا مظاهير ٍ لهن ذكر وأمجـاد
شقح ٍ ويتلي تالي الشقح سـودي ذود ٍجنبهن فـي يمانيهـم حـداد حـداد للـي يقربـون الحـدودي ومشنشلاة ٍ تفري نحور الأضـداد لافرعن لـه ناعمـات الخـدودي الله يرفع مقدارك ولله دررررك وصح لسانك اخوي الفاضل الشاعر عمر الهمزاني قصيده استمتعت وانا اقرئها بصراحه صفحه شعريه مشرقه من الماضي الأصيل تقبل مروري وتقديري |
رد: أنا بدوي وأعشق تواريخ الاجداد
صح لسانك
رميت فأصبت بأبيات من لؤلو ومرجان وعاداتك الإبداع الاكثر من رائع وتقبل تحيات شمري وليس سعودي |
رد: أنا بدوي وأعشق تواريخ الاجداد
صح السانك ولد العود قصيده رايعه
|
رد: أنا بدوي وأعشق تواريخ الاجداد
صح الساااااااااااانك يالهمزاني
ويعطيك العافيه على الأبيات الرائعه تقبل مروري |
رد: أنا بدوي وأعشق تواريخ الاجداد
اقتباس:
هلا والله بك يابوالحارث وصح بدنك يابعدي ولاهنت والله بيض الله وجهك وماقصرت على الحضور تحياتي لك |
رد: أنا بدوي وأعشق تواريخ الاجداد
حي الله اخونا الكريم وشاعرنا القدير عمر الهمزاني صح لسانك ملايين على القصيدة الشامخه بين امجاد الماضي والحاضر المشرق اسمح لي بنقل هذه النادره الى مكانها المناسب وتثبيتها تقبل مروري |
رد: أنا بدوي وأعشق تواريخ الاجداد
|
رد: أنا بدوي وأعشق تواريخ الاجداد
اقتباس:
هلا وغلا بك يالسكب حياك الله يابعدي وماعليك زود لاهنت والله وبيض الله وجهك يالغالي شكرا لك على هالمرور المشرف |
الساعة الآن 03:23 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع