ياعيال نايف طيبكم يرفع الراس = تستأهلون المدح والمدح له ساس
من جدكم عبدالله اللي ينومس = واسم اللغيصم صار للكل نوماس
تاريخ ابيض وافي في علومه = واصبح علم في كل شمر ونبراس
عبدالله اللي فاق صيته وعلمه = والمرجله تحتاج له عزم وباس
شيخ ولد عواد وجوده شيوخ = تصطك من اسمه وافعاله اضراس
لنايف ولد عبدالله اللي فعوله = تحبس شديدات البلاوي والانفاس
تاريخ والتاريخ شاهد على اللي = مبطي وهم لابسة الدرع والطاس
شمر واخص الاسلم اهل اللحيسه = اهل السطر لالوحوا فوق الافراس
لابه لها صيت ينومس عياله = تقرع لها لاحولت كل الاجراس
زادو علوم المرجله وسط شمر = وصاروا بعقد المرجلة متل الالماس
المرجله تتعب بكسبه رجاجيل = والطيب يبغى له وليده وغطاس
ياعيال ياللي كاسبين المراجل = انتم هل العصلا بعيدين الارماس
واخص انا بدر ولاهي غريبه = شيخ ولد شيخ وليده وقرناس
فعله ينومس كل شمر وربعه = صميدع من صدق الاحساس حساس
ولامن تركى للتقيلات شاله = والبشت له شيخ وللبشت لباس
كريم نفس ولاحسب للمخاسير = وانتم هل الحاجات لاعدت الناس
ضاري على الصمله زبون المعنى = هذا العديم ليا غشى الجو لو لاس
له مجلس تلفي عليه الرجاجيل = = والكيف له دله ونار ومحماس
شيخ يجمل لاامدحته القصايد = ويفرح بمدحه قبل ماأمدحه هوجاس
مثل الجمل لاثار زم الثقيله = انا اشهد انك يابدر ترفع الراس