ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
للشاعر علي الضوي الشمري
يالي تعرّضت درب الليـل ياغـادي ليلٍٍ تخالـف دروبـه مالـك ومالـه جنب دروبي ولا تمشي بـلا قـادي وان مال دربك انا اواسيـه وابرالـه وانا ادري انك بوادي .. واني بوادي لكن مع الميل بعض النـاس ميّالـه لا تكتب اسمك خطا وتقوللي عـادي حدك ومن شاف حاله ماستر حالـه واللي بحكي الردى راضي ومتمـادي "ابتفل" بمجلسـه وآكـب فنجالـه!! "الشمري " لايغـرك طبعـه الهـادي ان مال وقته عنيـد وميـل عقالـه؟ وانا عنادي خبـال وخبـل بعنـادي واخبل خبل من عنادي ياخذ خباله!!! نعم بـدو وانتـم التاليـن يالغـادي والجاهـل نعلمـه ونعلـم اشكالـه معنى بدو: من بدا ومعنى بدوي بادي يعني بدينا العرب رجلـي وخيالـه!! اجدادي الي بنـوا لايامـي امجـادي تاريخهم هو قـدوع الوقـت ودلالـه وش قرب اجدادك الهافين لاجـدادي متى تساوت حريـم الـدار برجالـه لابوك وقتٍ يهين الحاضـر البـادي ولابو زمانٍ يـدوس الحـق بنعالـه حنا " الطنايا الضياغم " عد يا عادي حنا " السناعيس شمـر" دل يادالـه بيباننـا تحتمـي للجـار وتـفـادي ورضيعنا ينحنـي للضيـف بزمالـه والطيب ذود( وشمّر ) كلهـا حـادي ترعاه من فيضه لفيضـه وتحدالـه يافرقنا لـو تقـول بـلادك بـلادي صوتك مثل أي صوت وصوتي لحاله ما نسمعك لو تجر الصوت وتنـادي وانالو اهمس تعـج البيـد برمالـه صمتي طويل المدى ماتاصل ابعـادي وصوتي بعيد الصدى ماتلحق ضلاله إيه بدوي ما البس الا ثوبـي وزادي طبخ مرتي وانت زادك طبخ " شغاله"! إيه بدوي ما اعرف( بابا ولا دادي ) هذا كـلام الدلـع لحضيـر وامثالـه واللي لبس بنطلون وشجـع النـادي بناتنا الغافلات ارجـل مـن عيالـه تاريخـي لياحكيتـه مسـك وكـادي والا انت ماينحكـي تاريخـك زبالـه لاجييت آبعد فعلك تفضـح اعـدادي لنك ردي والردي ما تستـر افعالـه لاسولف الكذب قلت الحين ميعـادي آقـف ولا اداري الكـذاب وادرالــه ما اموت ضامي وبير الحق ميـرادي آرد واصـدر بدلـو البيـر وحبالـه وان كان بالحق موتي هـذا ميـلادي آبتكـفـن لمـوتـي وآتهـيـالـه بس انت جنب ولا تمشي بلا قـادي وليلٍ تخالف دروبـه مالـك ومالـه حرام لا شفتك اني لاافلـت زنـادي والله يلعن ابـو الشيطـان وعيالـه! |
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
|
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
اقتباس:
جزاك الله الف خير لاعدمت هالطله |
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
كفو ياجمال الزميلي وعاداتكم يا اولاد الازمل العلوم الغانمه .
|
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
اقتباس:
كفوك الطيب يابعد حيي الطله والعلوم الغانمه منك وفيك يالذيب لاعدمت الوجه يالغالي |
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
يعطيك اللف عافيه ع الابيات رائعه |
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
اقتباس:
الله يعافيك يالغاالي لاهنـــــــــــــــت |
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
صح لسان الشاعر علي الضوي
وتسلم يمينك ع النقل المميز |
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
اقتباس:
صح بدنك ياخيتي ربي يسلمك من كل شر والله لايهينك |
رد: ζζ…ΨΏΨஇ"الشمري " لايغـرك طبعـه الهـادي ان مال وقته عنيـد وميـل عقالـه இ₯ ΨΏΨ…ζζ
والنعم وألف نعم بالخوآل .. صح لسان الشاعر ملآيين على هالباذخه .. واعتلا بالعز شـآآنه.. سلمت أخي الكريم على انتقائكم الرائع .. تحياتي وتقديري .. < لدي ملاحظه على العنوان من بعد اذنكم :$ هذا الشعار " Ψ " يمثل شمعدان اليهود =( .. |
الساعة الآن 10:12 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع