كان رب السماوات امرنا = ونستعينه مدير الهبايب
نطلبه مايخيب سفرنا = ياكريم(ن) جزيل الوهايب
كان يسر سفرنا وسرنا = واعتلينا ظهور النجايب
من قفار(ن) وحايل ظهرنا= ما نفاكر بوقت الحرايب
كم صديقن يطيح بنحرنا = والدخن مثل صفق الهبايب
كم صبي(ن) لقلبه جمرنا = نجدعه بين عوج الصلايب
كم حصان(ن) لرجله هجرنا = مايشم الامهار العرايب
كم خصيم(ن) لجمعه دمرنا = نجعله للهنادي ضرايب
يانويديس مارد ثقرنا = مانبيعه لقضب القضايب
كان امرنا الولي واحتزمنا = فزعة(ن) به نسر القرايب
مع مضيق الشعيب انحدرنا= مع طلال(ن) صعوب الحرايب
كان عن عضد حرب(ن) وسرنا = واحتزم كل صبي(ن) وشايب
نعجب اللي بعينه نظرنا = بالوغى دون شقر الذوايب
نحمد اللي عليهم نصرنا = بالوعايد ولاهو بغايب
تايه الراي ياللي حربنا = ماتشوف الديار الخرايب
مايناظر بعينه لثرنا= كم خلال(ن) نحطه نهايب
ماسمعتوا سوالف بقلنا = يامخارب على غير صايب
والوعد خامس(ن) من شهرنا = يامدور لعوج الطلايب

نحمد الله جت على مـا تمنـى= من ولي العرش جزل الوهايب
خبر اللي طامـع فـي وطنـا = دونها نثنى ليـا جـا الطلايـب
يا هبيل الرأي وين انـت وأنـا = تحسب ان الحرب نهب القرايب
واجد اللي قبلكـم قـد تمنـى = حربنـا لاراح عايـف وتايـب
انهض الجنحان قـم لا تونـى = بنكلـهـم دروس وعجـايـب
كان ما نجهل على اللي جهلنـا = ما سكنا الدار يـوم الجلايـب
دام فيصل يزهـم الكـل منـا = فازعين كـل صبـي وشايـب
لامشا البيـرق فزيزومـه انـا = حنا هل العادات واهل الحرايب
ديـرة الاسـلام حامينهـا أنـا = قاصدين دونهـا كـل شـارب

ياعيال شيلوا مابقا عمر طويل=كله عمار وافي ديانها
اللي جعل لي لابه ماله مثيل=عوج المراكض لاسمك دخانها
نسطي على الموت الحمر والله دليل=والروح له رب يقوم بشانها
الى سمك عج الرمك مثل المخيل=ساجت وراجت وأشعلت نيرانها
كله على عينك يالحس الطويل=حنا هله لادنقوا شردانها
لعيون مركوز النهد ضاف الجديل=نرد المنايا لاحضر ميدانها
ناتي كما سيل على الوادي يسيل=غوش ضحى الهيية تجر اردانها