فاقدٍ لي سلعةٍ واكبر بضاعه = سلعةٍ تشرى ولاهيب تنباعي
رفقة الطيب ليا غير اطباعه = اشهد إنها كيةٍ توجع اوجاعي

كيف يااهل المعرفة صاحبه باعه = لعنبوها دنيةٍ مابها أطماعي
آه ياوقت الرخا ما اكثر اوجاعه = استوى فيه الردي وأخطل الباعي
والغنوج اللي كثيرٍ تمياعه = اصبح الفارس وراعي الشرف ضاعي
الحصاني صارت تخوف سباعه = للعجب شبعى وسرحانها جياعي
القَدِرْ للمال والسمع والطاعه = صاحبه متبوع لوكان بياعي
والشريف اللي شديد الزمن لاعه = في زمان الكذب ماعاد له داعي
يجرع الآهات وي يفَرّك أصباعه = لو ملك باالمرجله كل الانواعي
وأعتقد هذا علامات للساعه = والحظيظ اللي من اجراسها واعي

صح بدنك ابوفيصل

الجزل حضورك الرائع وتعقيبك الأروع

اشكرك على التثبيت والتقييم

حفظك الله ورعاك

شمــ هلي ــــر

حياك الله الأروع حضورك وتعقيبك ياالغالي

صح بدنك وحياك الله


للتصحيح انا ابوناصر