(صــوت و صـــدى)
قصيــدة ياخيمة بالرمل
للشيخ /سلطان بن سحيم آل ثاني
يا خيمة بالرمل تلعب بهـا الريـح=في تل قفر معشب السفـح خالـي
فيها النفل و الزهر و الورد و الشيح=والذيب يطـرد جافـلات الغزالـي
والجمر له ولعه و للنجر تصريـح=وتشـوف زول مهيـلات الدلالـي
وأمشي بوسط الرمل و أقوم و أطيح=وودع الأحـزان طـول الليـالـي
وأكتب قصايد وأنشد الشعر وأصيح=وأنسى هموم القلب رايق و سالـي
والطل فوق الزهر ينهـل و يسيـح=ويغرد القمري علـى رجـم عالـي
جات الظبى ولها مع الرمل تسطيح=تلعب معه بهـم الربـوع التوالـي
وقت السحر حانت صلاة و تسبيـح=والجو صافي مثـل نـور الهلالـي
أحب مـن قصـر رفيـع بتسليـح=في وسط لندن غيمهـا سـم حالـي
وقصيدتي التى جاريت بها الشيخ سلطان ...
ودي بشوف البر عقب التباريـح=في خايع مسقيه مزنـن خيالـي
يحوي زهور ريحها جابته ريـح=بالقاع أشوفـه كنهـا كالزوالـي
والطير بالجنحان له دوم تلويـح=ويغرد و يملا الفيافـي جمالـي
في خايع مافيـه ذود و مساريـح=ماطبته رعيـان تقفـى الحلالـي
ياما حلا تدويجتن بـه وتصليـح=ادلال رسلان بها الكيـف سالـي
وأسوقها للى معي مـن مفاليـح=أهل السطر و أهل العلا والمعالي
ونجاذب أطراف القصايد متى تيح=ونردده أليا أسود الليـل طالـي
هذي طرات البال شفه يابومليـح=عندي كما شرب القراح الزلالي
وختامها منـي صـلاة وتسبيـح=بختام قـول قلتـه وقـد بدالـي
عبدالله الشلاقي (الشلاقي عز)
_________________
ال ثاني و الشلاقي (صوت وصدى)
رد: ال ثاني و الشلاقي (صوت وصدى)
العرض العادي
