(راكـب فـوق حـر)
هذه قصيدة محمد العوني قالها في حرب
الأمير سعودابن رشيد(ابوخشم)
مع ابن شعلان في الجوف/
راكب فوق حريذعره ضله _ مثل طيركفخ من كف قضابه
ماحلا فزته والخرج زاه لـه _ والميارك على متـنه تثنى بـه
من سكاكا ترحل وأطرد الذله _ وأحذرالخوف هاجوسك تهنى به
سرلـشـمـر وخبر لابتي كـله _ لابتـي بالملاقـا حي من لابـه
قل لوادي أبو عـافت بعد قله _ يانهـار على الجوبه تحـلا بـه
الدخن فوقنا كـن الدجى ظلـه _ والرويلي وأبـن شعـلان وأقـرابـه
دريو أنا قليـل وأدركـو خـله _ وأرتكـينا بعون الله وحجابـه
مانعرف الضحى من كثرخلق الله _ وين شمرهل العادات والجابـه
وين مـطني وعبـاس وربع له _ ويالهـاكربة لو ان لها لابــه
وين هايس وبرجس هم وربع له _ وين عبـده اليامن حل ضبضابه
أنخ راع المليحا لاتساهل له _ وأنخ شمروعط الصوت يدرا به
وأنخ فهران أخورفعه ورمح له _ لاالتقى بالملاقا كف قضابــه
وأنخ ضاري والأسلم قل تجي كله _ وأخو صلفه اليا منه كلح نابـه
وأنخ أخوشاهه المنصور وأفطن له _ وأنخ مطلق مع التومان بالجابه
وأنخ سنجاره وقاسم ساترالخله _ وأنخ غضبان أبو علوش وأقرابـه
وأنخ عدوان أبوممدوح وربع له _ يرفع الصوت للفلجان بالجابه
وأنخ فهاد وبايق هم وربع له _ وأنخ شيبان شمروأنخ اشبابه
وأنخ مياح وأهل الدين والمله _ وأنخ الأخوان عزالدين واحجابـه...
الأسماء المذكوره بااللقصيدة:
ابوعافت/عقاب ابن عجل. مطني ابن شريم.
عباس ابن علي.
هايس ابن رخيص(اخوميثا)
برجس ابن عردان.
ندابن نهير(راع المليحا).
فهران الصديد(اخورفعه).
ضاري الطوالة(اخوصلفة). مشل ابن تمياط(اخوشاهة). مطلق ابن عايش.
قاسم ابن رخيص(ساتر الخله)أميرحفرالنفود.
غضبان ابن رمال أميرقبائل غفيله من شمر-
عدوان ابن هجهوج من شيوخ الرمال.
فهادابن مسطح من شيوخ شمر.
بايق ابن ثنيان من شيوخ الزميل.
مياح من شيوخ الشلقان.
ــــــــــــــــــــــــــــــــــــــــ
.gif){kind=icon}
القصيده التي جمعت شمر بحرب الجوف
رد: القصيده التي جمعت شمر بحرب الجوف
العرض العادي
