قصيدتي بعنوان نبرة الشادي

عذاب الروح ياجـــروحي لقيته باليال السود
تضيق الواســـعه فيني وقلـــبي ما لقا برّه
ألا يا نبرة الشـــادي تعوّدني بـــــلا موعود
تجي وتــروح ما كنّك حظرت بداخلي مــــرّه
على صوتك حظر فيني زمان الماضي المفقود
غدى منــــي وانا ما كنت احسب القاه بالجرّه
غريب اســتوطن الذِلّه ولا يقوى على المنقود
يخاف يشــوف من بعض الاوادم شي مايسرّه
تمادا كف لاطــــــــــمنا وحنا للكفوف خدود
تعــبنا انسايـــــــس الواقع وفينا واقعٍ شرّه
تمنيت الوفا لكــــــــن زمن ماله معاي عهود
يخلــــــيني بلا قــــــيمه وانا المحّار والدرّه
حبيــــس النفس ما يقدر يكابر والنفس محدود
شتا عامين مــــــا غــيّر الى هالحين من حرّه
يجــــر الــــــصوت مايدري بجرّاته يفت كبود
على هــــــونك بي يامهنّا كفاني منك ماضرّه
خفــوقي والطريق اللي مشيته للأسف مسدود
وانا عينـــي عــــلى بـــــابه وحيد ولاحدٍ مرًه.
كفاني ولا ابي غيره كلامن يجــــــمع المقصود
تجـــــــاري ذبحـــــة الشلّه قصيدة روح مغترّه

 

 

 

 

 

 

 

 

 

 

صح السانك عبد الكريم التويمى على البيات الشعريه بارك الله فيك

 

 

 

 

 

 

 

 

 

 

الله الله على الابداع ياراع الابداع عبدالحكيم صح لسانك ملايين الملايين ولاتكفي لاعدمناك يالشاعر/ المخضرم تسلم والله امتعتنا بالمعاني الجزلة هذا القصيد والا بلاش وين السكبه ابيه يرشحك النجوم ويقلدك الأوسمه تستاهل / لاهنت /

تحياتي لمقام سموكم الكريم :

 

 

 

 

 

 

 

 

 

 

رعد الشمال/ شكراً وتعيش

 

 

 

 

 

 

 

 

 

 

نايف الشويب الشويب/ الله يعزك يالغالي وشكراً على الكلام الطيب.
شي اساسي يكون المتميز له خاصيه في هذه الصرح الشامخ
لا لشي الا لتشجيع الشعراء للصعود للقمه
وانا عن نفسي يكفيني اطرائك يا نايف وعندي اهم من الاوسمه