قال الدغيري وأن بدى يازن القـاف
أختـار قافـي والمثايـل يجـنـي
أصوغهن صوغ الذهب عند صـراف
اَزن لجـزلات المعانـي وأغـنـي
العبد وأقدامه علـى جـال ميهـاف
هرجي علي محسوب ومنقول عنـي
ماقول قولٍ(ن) فيه قولين وأخـلاف
ولارجح لقول(ن) ولا أقـول ضنـي
أما تجـي أثقـال وتهـد الاكتـاف
والا عليـك الله فـلا تقـال مـنـي
فتشت في صفحات تاريخ الاسـلاف
علومٍ(ن) مضن ماكنهـن أبمضنـي
أقول في مدحي عديمين الاوصـاف
قصايـدي فـي مدحهـم يرتقـنـي
أولاد علي الضيغمي ماهي أحـلاف
سبع الجمـوع أجموعهـم يرهبنـي
أربع لنـا ولاينكـر الحـق عـراف
حتى الاذان الصـم فيهـا أسمعنـي
حنا حمـاةً(ن) للسماريـن برهـاف
أهـل المنـاخ أفعولنـا يذكـرنـي
يوم الركايب عجلتٍ(ن) زاف وأخفاف
مفتـاح نـوّخ والخفـاف أثقلـنـي
وحل الطراد بظفره مغيـر وأنكـاف
اليا حد أبارق عصفرٍ(ن) ويرجعنـي
حنا حماة الدار الياعاف من عـاف
سلمـى وأجـا بفعالنـا يفخـرنـي
تشهد لنا الاثمـاد وأهييـف وأذراف
وظفـره وقمعـه واللقـم يشهدنـي
وبالمسعري والضلفعه صار ميقـاف
قبـل الصريـف أفعولنـا شرفنـي
منا معشي الذيب وأسباعٍ(ن) أعجاف
والا الضيـوف أحقوقهـم يعرفنـي
عينٍ لها فراش(ن) وعينٍ لها ألحاف
سلومٍٍ(ن) على كل العـرب يتبعنـي
وحنا هل المجلا ومزبان من خـاف
من طب وسـط أنزولنـا يطمئنـي
ماكنـه الا معتلـي فـوق مشـراف
فـوق الجبـال الصـم مايرقـنـي
وحنا السان لشمـر نفتـل القـاف
أشد من ضـرب السيـوف أذبحنـي
مبيريك منا للشعر عنـده أصنـاف
يقولهـا سعـدون والومـد عـنـي
خذيت من جم البحر بـس مغـراف
والا البحـور وغوصهـن يتعبنـي
وصلاة ربي عد مـن هلـل وطـاف
علـى النبـي أعـداد مايرزمـنـي
وســـــلامــــتكم
منقول
مفتـاح نـوّخ والخفـاف أثقلـنـي
العرض العادي
