مصافحه أولى
لمنتديات عزوتي الطنايا
اتمنى تحوز على اعجابكم
جر القلـم واتـرك سمـوم الفيافـي
صوب الشمال وذعذعت كل نسنـاس
مبـداي أنـا بالله عـون الضعافـي
اللي تعلى فوق عرشه عـن النـاس
ياللي جهلتوا كـل مـا كـان خافـي
هذي قصيده واصله كـل الاجنـاس
أنـا هنـوف وبالفعايـل اسنـافـي
قـرمٍ وعلمـه للرجاجيـل هوجـاس
أملـك جمـالٍ مكتسينـي ووافــي
خِلقي خَلقي للبنـي صـار مقيـاس
ماني من اللي مسلسـه عالخوافـي
خفيفـةٍ بيـن الرجاجيـل تنحـاس
دارع وشافـه كـل خبـلٍ وهـافـي
لحمه رخيص يجوز له كل الالبـاس
دربي وأعرفه مـا يجيـه اختلافـي
والحمد لله سمعتـي ترفـع الـراس
بنت اللـذي بالطيـب دايـم يشافـي
من روس شمر جامعٍ كـل نومـاس
أبـوي شيـخٍ للخطاطـيـر لافــي
من ساس ساسه كاتبينـه بقرطـاس
لـه ميلـة عقـالٍ تجيـب العوافـي
عد العقال بغترتـه صايـر ألمـاس
وأخـوي (....) خوتـه مـا تعافـي
ماهو من اللي يدعي ضيق وافـلاس
لـه دلتـن فنجالهـا دوم صـافـي
تربيع نجره للكـرم صـار نبـراس
وجدي عسـاه بجنـة اللـي نخافـي
صيته على كل البشر ينهض الـراس
هـذا وأنـا بنـتٍ أجيـب القوافـي
من راس راسي من شعورن واحساس
وشعري كما ثـوبٍ ثقيـلٍ وضافـي
وراثةٍ من جد جـدي مـن السـاس
تمـت وصلـوا عـد رمـل الفيافـي
على محمد عـد مـا عَـدّو النـاس
شفيعنـا يـوم القبـايـل تخـافـي
من كثرة ذنوبه ومن كـل الادنـاس
.
بنت اللـذي بالطيـب دايـم يشافـي.....من روس شمر جامعٍ كـل نومـاس
العرض العادي
