السلام عليكم ورحمة الله وبركاته
هذي القصيده كتبتها في حال هذي الحياة الفانيه وهي رثاء في المغفور له ان شاء الله
الشاعر سالم خلف المنيعي الاسلمي الشمري
فكرت بالدنيا وزادنَ الافكار=ووصلت بأن العمر لاشك زايل
وحللتها في راسي امرار وامرار=وبصمت لابد(ن) نشد الرحايل
لا بد مايوم(ن) يجي قصف الاعمار=الموت حق ولو ندوَر بدايل
وبالاخره اما بجنات وانهار=وحور(ن) تعدن ناقضات الجدايل
والا عسى الله يرحم الحال . بالنار=نار(ن) تجمع به كبار الهوايل
يالله ياقادر علينا وغفار=شيل الذنوب اللي علينا ثقايل
يالله تقبل طلبتي وقت الاسحار=ادعيك ودموعي سواة الهمايل
اغفر لسالم مكرم الضيف والجار=اللي خذاه الموت بديار حايل
شريف مايطري على قلبه العار=قليل مثله في جميع القبايل
وصلاة ربي عد همَال الامطار=على النبي وعداد ماقال قايل
محمد منصور الوبيري الشمري
أبو عبدالله
الموت حق
العرض العادي
