قصيدة ( صرخة حبي ومنتهى غرامي ) - ][ موقع قبيلة شمر الرسمي ][WwW.aLlShMr.CoM

2008-07-16, 01:14 AM

بسم الله

اتجدد معكم في هذه الأبيات من الجديد فلكم مضمون الشعر والبوح ولصاحبها مضمون الواقع والنوح أترككم:

الدمعة اللي حارت بوسط الاحداق=فاضت على الخديّن بالذرف سبّاقه
هلّت عباير خافقي هلّ الاوراق=و خلّت طيور اللوعة اترفّ خفّاقه
بالجاش سكره والبخت جاب الازهاق=تسري عواطف خاطري طوع منساقه
وتسير بي رحلة حنيني والاشواق=للي خذت قلبي وروحي من أعماقه
غافل ولا أدري وسْرقَتْنِي على أرفاق=من غير لمس وهمس في لطف ورفاقه
أجرت سفن ودّه والأمواج صفّاق=في غبّة ابحور الغلا وكل عشّاقه
حبّه كنف لي من متاويج الاذواق=نهر(ن) تساكب من ينابيع دفّاقه
سبحان من خلّا الغضي تاج عشّاق=تلعب مع الوجدان في عزّ صداقه
وتصفّد الذات وتقوده على أوثاق=تدعي صفى المهجة وتفتح لها طاقه
اللطف يسقى عطفه ابكاس ترياق=والعطف يِطْعَمْ لطفه امن أطعم أذواقه
غرو(ن) على لبّ الحشى بيت ورواق=و له في ضميري من سمو بهجتي باقه
من بدّ كل الناس بالي لها راق=هي صارت ابدنياي حاجات برّاقه
لؤلؤ وعَسْجد مع خلاخيل وإحلاق=و رقرق غدير انساب يجري محد عاقه
تضحك لها الشمس ابشعاشيع وإشراق=و ضو القمر يَغْمز لها يرجي أعناقه
غالي ومن نَضْج الحلا قطفها لاق=و نفسي عليها دايم الدوم توّاقه
بنت الرجال اللي رجولتهم أصداق=والمرجلة بحر(ن) غويصات(ن) أعماقه
نسل الكرام اللي رقوا كل شوهاق=يوم الفقر والجوع والخوف والفاقه
اللي يمانيهم للأمجاد تشتاق=وعلومهم شمس(ن) بقى ينور إشراقه
أجواد ربّوها على شَرْع وأخلاق=و بالفيّ ظلّوها عن الشوب واحراقه
حاضينها مثل الذهب وسط الأسواق=لكنّ غَدْرات الزمن دوم صفّاقه
عقب السعة لا بدّ تبدي لك أضياق=وقتي ثنى حظّي وكسّر عظم ساقه
صدمة غرام اتنشّف احلوق الأرياق=و صار الأمل ينهار من عالي أطباقه
فرقى اركضت بي داخل ادروب الأخناق=منّه شهقّت وأوّل الموته اشهاقه
من بعدها الشوق أحرق اشعوري إحراق=شوق(ن) حَكَمْني حَكْم الأنجاس لِعْراقه