الشاعر المعروف: محدي الهبداني العنزي ..
شاعر عاصر زمن الشيخ عبدالكريم الجربا
وقال به كثير من قصائد المدح الرائعه .
وسنذكر منها في هذا الموضوع إن شاء الله .
قصة الهبداني مع الشيخ عبدالكريم الجربا
رحل الهبداني عن قبيلته بسبب خصام حصل بينه وبين ابناء عمومته
من قبيله عنزه ..
ونزل علي قبيله شمر وتحديداً عند الشيخ عبدالكريم الجربا .
فأكرمه وأعطاه الكثير من العطايا .
لما رآى الهبداني حفاوة الإستقبال وكرم الضيافه من قبيلة شمر
قال هذه الابيات وهو يعاتب ويتحسرعلى حال ربعه من قبيلة عنزه :
يا فضل يا قلوب الغنم ما تحامون=ياليتها والله تحسن إلحاكم
ياطولكم يا عرضكم يوم تاتون=يا قل حمراكم علي من بغاكم
اليا اجتمعتوا الرجال تذيبون=والناس عرفوا طيبكم من رداكم
الكل منكم دااايم يتبع الهون=يلعن ابوكم كيف توخذ نساكم
ترضون بالذله عساكم تهبون=واشوف بالرجلين كل ٍ وطاكم
شارك محدي الهبداني
مع الشيخ عبدالكريم الجربا في الكثير من غزواته ضد عنزه .
ويقال ان في إحدى الغزوات ضد عنزه
بشروا الهبداني وهو في طريقه الي المعركه
بانه اتاه ولد
فرد عليهم قائلاً :
"ما بشرتونا بخير فولدي سوف يلحق على تالي عنزه "
فضحك من كلمته الشيخ عبد الكريم الجربا
وإكراماً للهبداني
آمر الشيخ عبدالكريم
أن ترجع القبيله كافه إلى الديار .
فقال الهبداني معاتباً ربعه ايضاً ، ومادحاً "ابو خوذه " :
يا الله يا خلاق صبح ٍ بثر ليل=باذنك عسى تسمع لعبدك سواله
تفزع لمضهود وطا راسه الشيل=ما بين كاف ونون تنعي حواله
يا دار عفناك من زايد الميل=عيفة عديم شاف نقص الجلاله
يا دار الخطا والتهاويل=حقك بمغلول الرفاقه نواله
يا ربعنا ليا نويتوا المحاويل=نروح عن دار العيا والضلاله
اسمعوا وطيعوني علي الزمل ونشيل=لـ(عبد الكريم) اللي تذكر فعاله
الشيخ نطــّــاح الوجيه المقابيل=من صكته غبر الليالي عناله
الدار دار وكل دار بها كيل=والرزق عند الي عظيم جلاله
قال أيضاً :
يا دار وين اللي بك العام كاليوم=ما تقل مرك عقب خبري نجوعي
خال ٍ جنابك بس يلعى بك البوم=ما كن وقف بك من الناس دوعي
شفت الرسوم وصار بالقلب مثلوم=وهلت من العبره غرايب دموعي
وين الجهام اللي بك العام مردوم=وظعون مع قدوه سلفها نـزوعي
أهل الرباع مزبنة كل مضيوم=وأهل الرماح مظافرين الدروعي
راحوا لنا عدوان وحنا لهم قوم=ولا ظنتي عقب التفرق رجوعي
وإن صاح صياح من الضد مزحوم=تجيك دقلات السبايا فـزوعي
صفرن يكاظمن الأعنه بهن زوم=يخلن سكران المجانين يوعي
يركب عليهن باللقا كل شغموم=فريس والله ما تهاب الجموعي
الى ان قال مادحاً شمر . وعبدالكريم ابوخوذه :
خيــّــالهم ينطح من الخيل حـثـلوم=يوم الأسنه بالنشامى شروعي
ويا شيخ أنا عندك معزّز ومحشوم=ويمضي عليّ العام كنه إسبوعي
لاشك قلبي بالوفــا صار ماسوم=لربعي وانا يا شيخ منهم جزوعي
وعيني لشوف الحيف ما تقبل النوم=والقلب يجزع بين هدف الضلوعي
ويا شيخ أبا وصفك يا مفني الروم=يالساطي القطاع حسن الطبوعي
حلياك حر ٍ يقشي الصيد ملحوم=متفهق الجنحان حر ٍ قطوعي
الهبداني العنزي .. والامير الشيخ / عبدالكريم الجربا (( ابوخوذه))
العرض العادي
