مادام كل مشتاق غنىلليلاه
ابي اغني كانهم مادروبي
وارفع بصوتي لين ياصل لاقصاه
من اول طلوع الشمس لين الغروبي
لعلهم يوحون قولي ومعناه
قبل الهوايهب لنا من جنوبي
الوضع طال وتاه فكري بعمياه
ولليوم هذا تايهات دروبي
وهموم قلبي ثابته ماتعداه
تجذب عليه الشوق من كل صوبي
مريض حب حاير الطب بدواه
لولا الحيا لا صيح واشق ثوبي
ياموافقين الخير طبي بلاماه
ماهي حبوب الضغط ولا الشروبي
مقدر على بعده ولا اطيق فرقاه
ولا اظن عن حبه فؤادي يتوبي
ادوا كتابي لاريش العين يقراه
يقرا كتابي يعرفه من اسلوبي
ان ماحصلي من بغاني وانا ابغاه
اكملت انا باقي حياتي عزوبي