سر ياقلم واكتب وحبرك من الدم
أكتب وانا أمليك شي جرى لي
ونيت ونة واحد جرب الهــم
همه ديون ولا بجيبه ريالي
على شقيق العود رحل سلم
على النعش شافوه ميت يشالي
والبال عقبه ضايق ومتندم
أبكي على فرقاه وطول الليالي
رحل شقيق أبوي وماعاد لي عم
أختاره الرحمن عز الجلالي
صكات بقعا فوق راسي تليم
أخذت أخوي وعمي وراس مالي
ياللي على الدنيا لقبرك تولم
لابد لك من الفنا والزوالي
وين الحنون اللي بوجهي تبسم
اللي بعد ربي عليها اتكالي
اللي نباها لي لبيه مع سم
عني خذها الموت واعزتالي
ياليت يومي قبل يومهم تقدم
ولا عشت ولا شفت غبن الليالي
يالله عسى الجنه لموتاي تقسم
مالي بها الدنيا بعدهم غوالي ...
وسلامتكم ... اللهم ارحم موتنا وموتى المسلمين ,,,واجمعنا بهم في جنات النعيم ...أمين